blogue deadmin

Os dous días non lectivos aprobados polo Consello Escolar do centro e autorizados polo servizo de Inspección Educativa da Consellería de Educación para o curso 2024-2025 son o luns 4 de novembro de 2024 e o venres 2 de maio de 2025. Por outra banda, como figura no calendario escolar oficial, o día escollido pola Consellería de Educación para este curso como Día do Ensino é o xoves 31 de outubro de 2024.

No mes de novembro de 2024 vanse celebrar eleccións para a renovación parcial dos membros do Consello Escolar. Para organizar e desenvolver todo o proceso electoral, é necesario constituír unha Xunta Electoral con representantes de todos os sectores da comunidade educativa. O próximo venres 18 de outubro ás 12:10h terá lugar no patio central do instituto o sorteo público para designar titulares e suplentes dos diferentes sectores: profesorado; nais, pais e titores legais do alumnado; persoal de administración e servizos (PAS) e alumnado.

Aviso da Consellería de Educación por alerta meteorolóxica:

https://www.edu.xunta.gal/portal/node/44636

Desde o IES Auga da Laxe convocamos as familias do noso alumnado a unha reunión informativa de benvida ao curso 2024-2025, de acordo coas seguintes datas e horarios:

- 1ºESO: martes 10 ás 18:00h

- 1ºBach e 2ºBach: martes 10 ás 19:00h

- 2ºESO: mércores 11 ás 18:00h

- 3ºESO e 4ºESO: mércores 11 ás 19:00h.

Haberá unha primeira parte no salón de actos co equipo directivo e as orientadoras e unha segunda parte coas persoas titoras de cada grupo.

O próximo mércores 11 de setembro darán comezo as actividades lectivas do curso 2024-2025 de acordo co seguinte horario:

- Entrada ESO: 09:30h

- Entrada Bacharelato: 09:45h

Ata as 11:10h, acollida e presentación dos grupos coas persoas titoras.

A partir das 11:10h, todo o alumnado terá clase ata as 15:00h.