Events
Durante estes días voluntarios da asociación Conrazones levarán a cabo a súa campaña de Nadal no centro.
O mércores 25 de novembro, o presidente e voluntarios da organización explicaarán o proxecto Conrazones ao alumando de 1º, 2º e 3º de ESO.
O venres 27 de novembro, realizarase a OPERACIÓN KILO, que consiste na recollida de alimentos para aquelas persoas que máis os necesitan. Podedes entregar a vosa achega aos voluntarios da asociación no seguinte horario: de 8:00 h a 9:00, e de 16:00 h a 17:00 h.
O pasado dous de decembro o alumnado de 3º e 4º de ESO, acompañado polo profesorado do Departamento de Música, tivo a oportunidade de asistir a un concerto didáctico da orquestra sinfónica de Galicia, en Santiago de Compostela.
Gozaron dun programa moi atractivo e interesante, puideron escoitar diferentes movementos das obras dos compositores dos periodos galante e clásico coma "Luigi Boccherini " e Wolfgang Amadeus Mozart, do que escoitaron pezas de danza coma serenatas, marchas, minués e rondeaux. O director da orquestra, Maximino Zumalave, explicou os diferentes movementos, o propósito e o sentimento dos mesmos. Tamén puideron escoitar instrumentos da época como a trompa de postillón. Finalmente, algúns alumnos e alumnas conversaron persoalmente con el sobre cuestións musicais.
Unha experiencia interesantísima para gozar, espertar a sensibilidade, comprender e palpar a música de primeira man.
Hoxe o profesor Suso Moínhos impartiu no noso centro unha charla sobre o idioma esperanto: "O esperanto hoxe. A súa utilidade".
Foi unha interesante presentación sobre esta lingua, inventada no século XIX por Zamenhof, a partir das linguas romances e xermánicas. Suso Maínhos quixo amosarnos cómo se trata dunha lingua viva, non só aprendida senón tamén trasmitida de nais e pais a fillas e fillos, unha lingua coa súa comunidade de falantes distribuídos por todo o mundo, a súa literatura, as súas escolas, a súa Real Academia, programas de televisión, contos infantís etc.
Unha charla moi amena na que o profesor Suso Moínhos trasmitiu a súa paixón de esperantista.
Gis revido e danke, Suso Moínhos!