Saídas educativas

A semana pasada o alumnado de 1º e 2º de bacharelato do Club de Ciencias, que tamén participou no proxecto Cansat, visitaron a UVigo SpaceLab e á Escola de Enxeñería de Telecomunicación da UVigo.

Puidemos coñecer de primeira man o traballo que realiza o equipo UVigo SpaceLab, que é un equipo multidisciplinar de estudantes universitarios e persoas investigadoras que deseñan, fabrican e operan pequenos satélites e misións espaciais. Tamén visitamos varios espazos da EE Telecomunicación da UVigo, como son a sala anecoica ou o laboratorio 5g.

Moitas grazas a todas as persoas de UVigo SpaceLab e da Escola que nos permitíchedes adentrarnos nos vosos espazos de traballo durante unhas horas, sobre todo nestas semanas de exames e moito traballo na universidade.

Moitas grazas!

O pasado venres 24 de maio o alumnado de 3ºESO que participa no coro ofreceu un concerto aos alumnos de 5ª e 6º do CEIP Escultor Acuña.

Moitos dos membros do coro visitaron de novo o centro onde estudaran e tiveron a oportunidade de saudar aos seus antigos mestres. Todos coinciden en que teñen un gran recordo dos últimos cursos de primaria neste centro, ainda que lles coincidiu coas restriccións sociais por mor da pandemia polo COVID.

Temos que agradecer ao equipo de Lingua de Signos polo tremendo traballo dobrando as letras das cancións que ofrecemos en directo.

Moitas grazas ao CEIP Escultor Acuña pola gran acollida!

O pasado 15 de abril, un grupo de alumnos e alumnas de 3º e 4ºESO achegáronse á Escola Superior de Arte Dramática (ESAD) situada no barrio de Navia para presenciar un ensaio do musical "Hairspray".

Diversos números deste musical vanse interpretar por alumnado deste centro educativo no InnovArt'24, organizado pola Consellería de Educación en Santiago de Compostela os días 18 e 19 de abril.

Foi unha xornada fantástica rodeados de tanto talento!

Hoxe o alumnado de terceiro da ESO e o de cuatro diversificación, realizaron unha visita ao porto pesqueiro de Vigo.

Coñecimos ás aguias de Harris, que manteñen a raia ás gaivotas, os tipos de barcos, o viveiro de mariscos e a lonxa.

Pasámolo super!

O Departamento de Música organizou unha visita ao Museo Etnográfico Liste de Vigo para o alumnado de 2  ESO e D.

Tiveron a oportunidade de participar nunha visita guiada polas distintas zonas dedicadas os tecidos, oficios, medicina popular ou ao mundo agrícola comprobando as súas propias raíces culturais e as relacións do exposto con materias como Galego,Historia,Tecnoloxía ou Música.