Actividades de animación á lectura

O Pasado luns, 13 de abril, o alumnado de 1º e 2º ESO asistiron a un obradoiro de animación á lectura na Casa da Cultura de Allariz, a cargo de Raquel Queizás sobre a obra "El Quijote".

Iníciouse así o ciclo de actividades que vai organizar a Biblioteca en colaboración cos departamentos didácticos para conmemorar o "Mes do Libro".

Nesta actividade tamén participou o colexio de primaria Padre Feijoo, co que colaboramos estreitamente desde a Biblioteca.

No noso centro quixemos celebrar este ano o Día de San Valentín  con música e poesía.

O día 12 de febreiro, o departamento de francés, dirixido por Pilis, organizou unha actividade relacionada con cancións de amor en francés. Durante os 2 recreos, puidemos disfrutar coa música e tamén coa contemplacion duns fermosos corazóns cheos de "letras de amor".

Por outra banda, o dia 13, venres, o departamento de Lingua Castelá, en coordinación coa Biblioteca, organizou unha "Exposición de Poemas de amor decorados" que tivo moito éxito. A actividade consistíu en que o alumnado buscou poemas de amor de escritores famosos en galego, castelán, francés e inglés e decoráronos cada un ao seu xeito. Logo expuxéronse nos corredores do centro para que cadaquén elixise o que máis lle gustase e puides

e agasallar á persoa que quixeran.

Como todos os anos, o vindeiro día 15 de decembro, da inicio a tradicional CAMPAÑA DE NADAL  que rematará o día 9-01-2015

Poderanse levar en préstamo 5 libros.

Animávosvos a TODOS a que pasedes pola BIBLIOTECA.

O día 12 de novembro, o alumnado de 3º e 4º ESO tiveron a oportunidade de coñecer a Ricardo Gómez, autor das obras que leron durante este trimestre na materia de Lengua Española.

Foi unha actividade entretida, na que o alumnado interactuou co autor moito, tendo a oportunidade de poder entender mellor as obras lidas.

Neste curso, para celebrar o Día da Biblioteca (24 de outubro) organizáronse, en colaboración co concello de Allariz, a Fundación Vicente Risco e os colexios de primaria de Allariz e Xunqueira de Ambía, unha serie de actividades:

DÍA 24:

Obradoiro de animación á lectura sobre o conto de Vicente Risco "Do caso que lle aconteceu ao Dr.Alveiros" para o alumnado de 1º ESO.

Charla ás 8:30 na Fundación Vicente Risco sobre "A biblioteca escolar como Biblioteca de barrio".

DÍA 29 

Excursión do alumnado de 2º ESO a Celanova para visitar a Biblioteca do Mosteiro, o Mosteiro, a Casa dos poetas, Vilanova dos Infantes. Fíxose en coordinación co colexio de primaria.