Skip to Content

Blogues

O PAPÁ DE LÍA É MECÁNICO

Ven, 17/03/2023 - 23:11 — monica

ESTA SEMANA O PAPÁ DE LÍA VEUNOS FALAR DO SEU OFICIO. É MECÁNICO E TROUXONOS MOITAS DAS SÚAS FERRAMENTAS, ALGUNHAS XA AS COÑECIAMOS, PERO OUTRAS SORPRENDEUNOS MOITO.  O ÉXITO TOTAL FOI A BUCINA DE CAMIÓN QUE NOS DEIXOU TOCAR, SEGURO QUE ASUSTAMOS A ALGÚN VECIÑO!

 


O PAI DE LÍA É MECÁNICO - Kizoa Movie Maker

8 M

Mér, 08/03/2023 - 22:26 — monica

8 DE MARZO, DÍA NO QUE SE REIVINDICA A IGUALDADE ENTRE OS HOMES E AS MULLERES, OS NENOS E AS NENAS.

NA AULA FIXEMOS UN PARLADOIRO SOBRE ESTE TEMA TAN IMPORTANTE, PERO O MÁIS IMPORTANTE É IR FACENDO IGUALDADE Ó LONGO DO CURSO, ASÍ LLES PARECE "RARO" QUE LLES PREGUNTES SE OS NENOS PODEN XOGAR Ó MESMO QUE AS NENAS E VICEVERSA, QUEN RECOLLE NA AULA? OS NENOS E AS NENAS, COMO VAN RECOLLER AS NENAS E NON OS NENOS?

TRATÁNDOOS IGUAIS É A MELLOR PEGADA QUE LLES PODEMOS DEIXAR.

ENTRE TODOS E TODAS FIXEMOS O NOSO CARTEL PARA PARTICIPAR NO 4º CONCURSO DO CONCELLO PARA O DÍA DA MULLER.

 

8M 2023 

PROPOSTA DE MARZO

Dom, 05/03/2023 - 21:16 — monica

                                   

XA TEMOS NOVO COMPOSTEIRO

Ven, 03/03/2023 - 22:21 — monica

HOXE VISITOUNOS O MESTRE COMPOSTEIRO DA MANCOMUNIDADE DO SALNÉS,  TROUXONOS UN COMPOSTEIRO PARA SUBSTITUIR O QUE TIÑAMOS ABERTO. TAMÉN NOS DEU UNS CONSELLOS SOBRE QUE BOTAR E COMO COIDALO.

APROVEITOUNOS PARTE DO QUE TIÑAMOS PARA COMEZAR O NOVO, E NOS DIXO QUE NA PARTE DE ABAIXO TEMOS COMPOST DE CALIDADE QUE PODEMOS EMPREGAR PARA AS NOSAS HORTAS E MESMO BOTARLLE UN CHISCO ÁS CAMELIAS QUE FAI POUCO PLANTAMOS. PARA A SEMANA XA TEMOS TRABALLO!

                                   

 

 

DÍA DE ROSALÍA DE CASTRO

Ven, 03/03/2023 - 21:37 — monica

DEDICÁMOSLLE UNS DÍAS A ROSALÍA DE CASTRO. O DÍA QUE LEMBRAMOS O SEU NACEMENTO, O 23 DE FEBREIRO, DECORAMOS A ROSALÍA CON TRAZOS VARIADOS E MOITO COLORIDO.

                                                                  

 LOGO DESCONXELAMOS PARA ROSALÍA UNHAS CAMELIAS. COMO SE DESCONXELAN ANTES, CON PINGAS DE AUGA DOCE OU CON SAL, E SE AS POÑEMOS Ó SOL? FORMULAMOS HIPÓTESES E FALAMOS SOBRE  O EXPERIMENTADO.

                                 

TRABALLAMOS A CONCIENCIA FONOLÓXICA COA INICIAL DE ROSALÍA, CON QUE SON COMEZA? QUE OUTRAS PALABRAS SE NOS OCORREN COA SÚA INICIAL? ESCRIBIMOS UN MONTÓN DELAS...

                        

REMATAMOS A NOSA HOMENAXE A ROSALÍA TRABALLANDO O VOCABULARIO DUN DOS SEUS POEMAS QUE MÁIS NOS GUSTAN EU BEN VIN ESTAR O MOUCHO. 

                                       

 

OS PELIQUEIROS E PELIQUEIRAS DE SAN TOMÉ

Lun, 20/02/2023 - 21:55 — monica

O VENRES 17, FOI O GRAN DESFILE DE ENTROIDO INTERCENTROS DO CONCELLO DE MEIS. MERENDAMOS COAS FAMILIAS, E LOGO COA SÚA AXUDA, NOS PREPARAMOS PARA O GRAN ACONTECEMENTO. DESFILAMOS XUNT@S TODO O ALUMNADO DA ESCOLA INFANTIL 0-3, DO C.R.A. DE MEIS E DO C.P.I. MOSTEIRO, XUNTO COAS FAMILIAS E TODO AQUEL QUE QUIXO ACOMPAÑARNOS.

FOI UN DÍA MOI ESPECIAL, CON TODA A COMUNIDADE EDUCATIVA DE MEIS REUNIDA. 

 


PELIQUEIROS 2023 
  

QUE SE ESTARÁ A COCER EN SAN TOMÉ?

Mér, 08/02/2023 - 22:15 — monica

FALTA POUCO PARA O ENTROIDO!

ESTE ANO ESTAMOS A CONTINUAR CO TRABALLO INICIADO O PASADO CURSO SOBRE OS PERSOEIROS DO ENTROIDO GALEGO.

QUE SE ANDARÁ ARGALLANDO POLAS ESCOLAS DO C.R.A.? EN SAN TOMÉ FIXEMOS ONTE UN TALLER DE DISFRACES, O IMPORTANTE NON É QUE O DISFRACE SAIA PERFECTO, O IMPORTANTE É XUNTARNOS, COMPARTIR O TRABALLO, UN CAFÉ, UN MOMENTO DE CONVERSA ENTRE AS FAMILIAS E COS MESTRES E MESTRAS. SABEMOS QUE HAI FAMILIAS ÁS QUE LLES É DIFÍCIL ASISTIR ÁS CONVIVENCIAS, UNHAS PUIDERON ACHEGARSE O DÍA DA PAZ, OUTRAS Ó TALLER DE DISFRACES E OUTRAS PODERÁN FACELO O DÍA DO DESFILE OU NOUTRO MOMENTO.

O IMPORTANTE É ACHEGAR A ESCOLA A CASA E A CASA Á ESCOLA.

 

                 

MOITAS GRAZAS POR PARTICIPAR!

QUE VEÑEN OS BOMBEIROS!

Sáb, 04/02/2023 - 11:31 — monica

ESTE XOVES TIVEMOS UNHA VISITA MOI ESPECIAL. O PAPÁ DE MARCO TRÓUXONOS ÓS BOMBEIROS A CLASE!

FOI UN DÍA CHEO DE EMOCIÓNS ENCONTRADAS, LEDICIA E ALGO DE MEDO, MEDO QUE NOS SOUBERON ACOMPAÑAR OS BOMBEIROS! 

APRENDEMOS MOITO SOBRE O SEU TRABALLO E SOBRE O SEU CAMIÓN, QUE LEVA TANTAS COUSAS E TAN BEN ORGANIZADAS. 

MOITAS GRAZAS, Ó PAPÁ DE MARCO E ÓS SEUS COMPAÑEIROS POR PASAR ESTE TEMPO COAS CRIANZAS, UN TEMPO EDUCATIVO E MOI EMOCIONANTE. 

 



PERO ESTO NON QUEDA AQUI, QUEN SERÁ O/A SEGUINTE? QUEREMOS SABER MOITO SOBRE AS PROFESIÓNS DAS NOSAS FAMILIAS...
Distribuir contido


by Dr. Radut