CPI Virxe do Monte

CLUB DE LECTURA DE IMAXES

Novidade para este curso : CLUB de Lectura, pero de IMAXES

Vexo-vexo

Club de lectura de imaxes

Biblioteca escolar do CPI Plurilingüe Virxe do Monte

Moitísima información chega a nós en forma de imaxes, ou de verbas acompañadas de imaxes que proceden de diferentes eidos: da moda e do deseño industrial, da publicidade, da ilustración literaria, da prensa escrita, da prensa televisiva, da Internet, da Arte… Chéganos de maneira constante á retina e ao cerebro sen que nos dea tempo a procesala.

No club de lectura de imaxes Vexo-vexo, aberto a todo o alumnado de ESO e a todo o profesorado do centro, os membros aportan o seu punto de vista sobre as imaxes propostas, sen que se impoña unha lectura única, por cualificada que sexa, para que cadaquén acade as súas propias conclusións sobre o que vei, tendo en conta que a imaxe sempre ten significado cando a mirada é quen de captalo.

As sesións do club teñen lugar na aula de Plástica, os primeiros luns lectivos de cada mes, á hora do recreo de ESO. Nelas, analízanse varias imaxes seguindo certa orde de lectura das mesmas: como está construida –composta- en forma e cor?; que técnica gráfica ou plástica ten sido empregada?; a quen vai dirixida?; que sensacións produce?; que denota e connota a mensaxe que transmite? E tamén certa orde de participación, xa que todos os membros do club queren comunicar os seus descobrementos nas imaxes.