Co motivo da celebración do día das letras galegas, o vindeiro venres 19 de maio, imos organizar unha romaría no centro. Haberá gaiteiros, pandereteiras, xogos populares e o alumnado comerá ao aire libre, nos patios de recreo.
A maiores, ao longo desa semana o alumnado participará en diferentes obradoiros (Cada día participará nun obradoiro).
É por este motivo que o centro convida ese día a comer a todo o alumnado que queira. O menú estará composto por empanada, tortilla e rosca. O alumnado só terá que traer un botellín de auga para a comida. (Por favor, lembrarllo para que o traian). É fundamental e necesario que o alumnado non usuario do comedor que teña pensado comer ese día, informe ás súas titoras ou a direción para que podamos organizar dita comida.
A maiores, recoméndase ao alumnado que veña vestido de galego para darlle colorido á romaría.
