A piques de rematar este curso 2010/11, os alumn@s de Educación Plástica e Visual da ESO poden estar moi orgullosos de sumar a seguinte relación de premios nos Certames de Debuxo e Pintura nos que participaron cos traballos elaborados en dita materia:

• XXVII CONCURSO ONCE "UNHA VIAXE PARA TODOS": Conseguen ser acreedoras do premio da categoría D (3º e 4º da ESO) a nivel provincial as alumnas de 3º da ESO Rita Quintela, Nuria Ruíz e Laura Vidales.


• X CERTAME DE DEBUXO EDUCACIÓN VIARIA CIDADE DE LUGO: O noso Centro e destacado como o de maior calidade artística de entre todos os participantes e, a título individual, resultan premiados co 1º premio Brais Rodríguez e Laura Vidales co 3º (ambos de 3º da ESO) na categoría C. Na categoría D, resulta gañador do 3º premio, Javier Montaña de 4º da ESO.


• CERTAME DE DEBUXO "UN MUNDO DE COR" SECRETARÍA DE EMIGRACIÓN DA XUNTA DE GALICIA: Neste certame que pretende promover as vantaxes e riqueza da convivencia multicultural e interracial na nosa Comunidade, son destacadas co 1º premio do Certame a alumna Marietu Ramos Martos de 3º da ESO e co 2º premio a alumna de 4º da ESO Lara de Villalobos. O vindeiro 20 de Xuño recollerán o seu galardón no MUPEGA de Santiago de Compostela.


• CERTAME DE MANIFESTACIÓNS ARTÍSTICAS "O PARLAMENTO, A CASA DE TODOS" CONVOCADO POLO PARLAMENTO DE GALICIA: Neste certame, que pretende divulgar a labor deste organismo en prol de todos os cidadáns, resulta merecedora do premio como finalista a alumna de 4º da ESO, Raquel Fernández, cun cartel que leva por lema "Parlamento de Galicia: onde as verbas tórnanse feitos". O vindeiro 20 de Xuño, a presidenta do Parlamento, Dna. Pilar Rojo entregará a Raquel o seu galardón.

Reiterar a noraboa a todos os alumnos pola sua participación en todas as actividades propostas o longo do curso, que ademais de conformar o seu traballo diario han sido merecedoras de todos estos recoñecementos externos.

O curso que ven a ver se poden ser mais e mellor!

Feliz verán!

Departamento de Artes Plásticas