Bos días:

O alumnado de 4º da ESO disfrutou no día de hoxe dunha ruta de sendeirismo desde o Monte Aloia ata o monte Galiñeiro.

A ruta fíxose por un percorrido sinalado. Ao final agardábanos Xilberte Manso vicedirector do IEM (Instituto de Estudos Miñoráns). Explicounos as características da zona: o tipo de rocha, as terras raras que abundan no Galiñeiro, os vestixios de asentamentos humanos (mamoas, petróglifos...)

Durante toda a actividade contemplamos a comarca do Val Miñor. Xilberte falounos da importancia dos topónimos, da fauna e a flora, os usos e propiedade do monte e alertounos sobre as consecuencias da instalación dos parques eólicos ou a minería e a súa repercusión na paisaxe e na economía da zona.