Bos días:

Hoxe o alumnado de 1º, 2º e 3º da ESO asistiu á proxección dunhas curtas sobre inclusión. A actividade enmárcase dentro do contrato programa Inclúe-T, destinado a concienciar sobre a riqueza da diversidade e o respecto a todos os seres humanos, así como desenvolver dinámicas de actuación cooperativas.

Despois da proxección realizouse un coloquio. Traballouse a partir dun guión elaborado polo profesorado integrante neste programa: María José Torres, María Pérez e David Gayoso. 

O alumnado puido reflexionar a través de diferentes preguntas sobre: a mensaxe, os símbolos, a súa conexión coa realidade, a diversidade, a empatía...