Despois de ler unha morea de libros durante todo o curso e facer as fichas de lectura e/ou vídeo-reseñas deles, de participar nos certames literarios e incluso, algúns deles, de superar o ambicioso reto do Libropoly, o alumnado dos cursos superiores de Educación Primaria desfrutaron enormemente da Tómbola Lectora.

Os alumnos e alumnas de 5ºA de Educación Primaria realizaron cadansúas maquetas do Sistema Solar e expuxeron o seu traballo na Biblioteca. Convidaron aos rapaces e rapazas de primeiro e segundo de Educación Primaria para compartir con eles o que aprenderon e aproveitaron para ensinarlles algúns dos fondos documentais que poden atopar na nosa Bibilioteca sobre astronomía. Os pequenos estiveron moi atentos ás explicacións, preguntaron moitas dúbidas e disfrutaron moito da actividade.

Podes ver as imaxes da exposición aquí.

Os alumnos e alumnas de 5ºA de Educación Primaria realizaron cadansúas maquetas das células animais e vexetais e expuxeron o seu traballo na Biblioteca. Convidaron aos rapaces e rapazas de cuarto de Educación Primaria para compartir con eles o que aprenderon e aproveitaron para ensinarlles algúns dos fondos documentais que poden atopar na nosa Bibilioteca que falan sobre as células. Foi a súa primeira exposición oral ante compañeiros e compañeiras doutras clases e, aínda que estaban algo nerviosos, fixeron un traballo realmente magnífico.

Podes ver as imaxes da exposición aquí.

 Os alumnos e alumnas de 5º e 6º de Educación Primaria participaron no xogo "Un libro nun tarro" na Biblioteca do colexio durante o recreo. O obxectivo consistía en adiviñar, o máis rapidamente posible, o título e o autor do libro que estaba dentro do tarro. Resultou ser unha actividade divertida na que se animaron a participar moitos dos rapaces e rapazas que cada día se achegan á Biblioteca.

O alumnado de 5º e 6º de Educación Primaria visitou a Xunta de Galicia e o Parlamento galego, onde coñeron de primeira man os espazos  e as salas onde se debaten e toman as decisións máis importantes da nosa comunidade.

Ao longo do terceiro trimestre o alumnado fixo un proxecto vencellando a Plástica e as Linguas: facer un conto infantil.

Primeiro, tiveron que investigar os elementos típicos dos contos infantís para poder elaborar o seu propio conto. Unha vez creado, tiveron que ilustrar o seu conto usando unha caixa. Cada cara da caixa era unha parte do conto.

O derradeiro paso sería contarlle o conto  aos máis pequenos, procurando que os entendensen e  nun soporte distinto ao que están acostumados.

Para entender o que é un metro cadarado, o alumnado construiu un metro, un metro cadrado e un decímetro cadrado.

En grupos de 3, un grupo construiu o metro e outro o metro cadrado no chan; o grupo restante construiu un metro cadrado nun papel. Finalmente, todos construiron un decímetro cadrado para comprobar que nos fan falta 100 para encher un metro cadrado.

O alumnado de 5º A fixo unha árbore xenealóxica para traballar con distintas fontes históricas. Velaquí o resultado.