De conformidade co establecido na RESOLUCIÓN do 10 de setembro de 2024, da Dirección Xeral de Ordenación e Innovación Educativa, pola que se establece o calendario para a realización de eleccións de membros dos consellos escolares de centros docentes sostidos con fondos públicos, a Xunta Electoral deste Centro, en virtude das atribucións que lle son conferidas pola lexislación vixente, dispón a convocatoria de eleccións ao Consello Escolar, SECTOR NAIS E PAIS, segundo as seguintes normas:
1. Según a lexislación vixente, corresponde elixir no presente proceso electoral a 1 pai/nai ou titor legal dos alumnos/as do centro, dun total de 3 que debe ter o Consello Escolar. Dos outros dous representantes, un continúa como consecuencia da súa elección no proceso electoral anterior e o outro será proposto pola ANPA.
2.- O censo electoral de pais/nais ou titores legais do alumnado está exposto a partir da data de hoxe no taboleiro de anuncios de administración.
3.- As candidaturas correspondentes poderanse presentar a partir das 9:15 horas do día 1 de novembro ata as 16:15 horas do día 8 de novembro, na administración do centro ou de forma telemática no correo: cpi. bembibre@edu.xunta.gal.
4.- A mesa electoral estará formada polo director do Centro, que actuará como Presidente, e catro pais, nais ou titores legais designados por sorteo entre os que non se presenten como candidatos.
5.- Cada pai, nai ou titor/a fará constar na papeleta das eleccións un máximo de 1 nome da lista de candidatos.
6.- A celebración das eleccións será o día 19 de novembro das 9:00 horas ás 16:00 horas. O voto será directo, secreto e non delegable.
7.- A Xunta Electoral do Centro resolverá as dúbidas e reclamacións que se poidan formular.
