Traballo colaborativo inspirado na pedagoxía de Reggio Emilia. Contando cunha atellierista elaboramos un tapiz-mapa entre diversas aulas do noso centro; o proceso comezou "representando" o camiño que o alumnado fai dende a súa casa ata o colexio e "soñando" un mapa entre tod@s. Para facer o mapa houbo que facer bosquexos, escoller teas, tinxilas, recortalas, debuxar os elementos que ían estar presentes no camiño,... e a nosa atellierista deulle forma final. Agora o mapa preside a nosa Biblioteca!