VISITAMOS O CONGRESO FP INNOVA EN SANTIAGO DE COMPOSTELA
O alumnado de 5º de Primaria visitou o Congreso FP Innova Galicia 2018, celebrado na Cidade da Cultura de Santiago de Compostela.Os 85 alumnos/as de 5º curso participan ao longo do curso no Programa Atrévete dentro do Plan Eduemprende, ofertado pola Consellería de Educación e Ordenación Universitaria, que pretende fomentar, motivar e sensibilizar no espíritu emprendedor.
O Plan de Emprendemento no Sistema Educativo de Galicia constitúese como o marco de fomento do espírito emprendedor no sistema educativo de Galicia, e establece a estratexia do fomento da cultura emprendedora.
Na súa visita ao congreso, os rapaces levaron a cabo a experimentación en primeira persoa das novas tecnoloxías, coa participación nos diferentes obradoiros sobre robótica, realidade virtual, impresión 3D, electrónica, manexo de drons, madeira, artes gráficas, estética, hostalaría ou industrias alimentarias.