O pasado mércores, a alcaldesa Mónica Rodríguez, recibíu no Concello ao alumnado de Educación Infantil. Os nosos pequenos fixeron as súas peticións para o centro e puideron coñecer o funcionamento da Administración con esta actividade:

O alumnado de Educación Infantil gozou dunha saída para visitar os Batáns do Mosquetín. Grazas ás explicacións de Mariví, técnica do Concello de Vimianzo, puideron entender como funcionaban. No seguinte vídeo podedes ver en imaxes o ben que o pasamos!

O alumnado de Educación Infantil elaborou unha obra polo día da Paz, baseada nas instalacións artísticas A CHAVE NA MAN da xaponesa Chiharu Shiota e EU DESEXO O TEU DESEXO da brasileira Rivanne Neuenschwander´s.  Convidouse ao alumnado de primaria a intercambiar os seus desexos e participar tamén nesta creación artística. O obxectivo é que os nosos desexos pola paz se estendan a todo o mundo e se fagan realidade.

O alumnado de infantil gozou dunha mañá de paseo para ver o mecanismo e funcionamento do muíño de "Tras do Muíño" .Despois fixeron unha camiñata pola beira do río que percorre a vila observando os elementos da paisaxe que o rodean.

Un curso maís comezaron no cole novos nenos e nenas. Neste mes de setembro houbo xogos, risas, contos, cancións...e tamén choros, caprichos, sono...Isto último imos olvidalo e neste vídeo imos recordar os momentos bonitos. Esperamos de corazón que teñan unha boa experiencia nesta nova etapa e... a seguir medrando!!

Como despedida do curso, o alumnado e profesorado de Educación Infantil gozaron dunha mañá no Campo de Areosa, en Vimianzo.

Alí aproveitaron para coñecer o terreo,ver os cabalos, facer unha búsqueda de tesouros, merendar todos/as xuntos e, por suposto, xogar e xogar!!

Agradecemos a colaboración da Asociación Cabalar e Cultural Monte Faro por achegarnos os animais e darnos a oportunidade de poder velos de cerca.

O alumnado de 4º de Educación Infantil gozou participando no seu taller de arte con luz negra.

Que ben o pasaron!!

PREMA NA IMAXE PARA VER O VÍDEO

Onte tivemos no colexio unha visita moi especial da man da asociación Aloumiños en colaboración con Cadelar, intervencións asistidas con animais. O alumnado de 5 anos realizou un taller para traballar a tenencia responsable  de animais e gozaron coa visita da súa mascota Balú.

Canto nos gustou!

Os nenos, nenas e mestras de Educación Infantil divertímosnos deixando voar a nosa imaxinación para representar cadros famosos.

Aquí tedes o resultado!