Educación Física

Que nos xogos de fin de curso tiñamos que engadir propostas deportivas e activas era algo que sabía todo o mundo.

Actividades como a petanca, o xogo das cadeiras, as bicicletas ou patíns non faltaron.

III Edición das Olimpíadas do Ceip San Tomé e por fin puidemos aproveitar as pistas de O Pombal a pesar da ameaza de choiva.

Xornada deportiva con imaxes espectaculares que podedes ver premendo na imaxe.

Combinar nas excursións cultura, ocio e deporte é algo no que traballamos duro.

Un exemplo claro é a saída de tres días que organizamos ao Lago Carucedo (León), na que facemos unha ruta polas Médulas, coñecemos aspectos dese entorno natural e facemos moito, moito deporte.

Premendo na imaxe pódese ver un álbum da excursión.

Seguindo coa política de excursións activas, o alumnado de quinto de primaria visitou a illa de Ons para facer unha ruta e varias actividades físicas. Foron dous días inesquecibles para todos/as.

Vídeo

No marco do proxecto "Da literatura ao cine", dende o departamento de educación física quixemos aportar o noso gran de area organizando un obradoiro de Quidditch, o deporte máis practicado no mundo máxico de Hogwarts. Premendo na imaxe podes acceder ao álbum da xornada:

Chegan as excursións de fin de curso e, como non podía ser doutro xeito, todas teñen un compoñente de vida activa e saudable. Nese caso, as nenas e nenos de quinto foron á illa de Ons, e antes de xogar na praia, fixeron un percorrido pola illa duns 7,5km.

Aquí tedes algunha imaxe da ruta:

As máis valentes chegaron ata o burato do Inferno, disfrutando das vistas da Illa.

Rematou unha emocionante liga de Datchball por parte do alumnado de quinto de primaria. O resultado máis repetido na fase previa foi o empate e a final tivo que disputarse en dous recreos distintos debido á igualdade.

Na imaxe tedes a todas e todos as alumnas e alumnos que disputaron a final.

O alumnado de sexto finalizou a súa liga interna de floorball. A liga resultou ser moi igualada e deixou unha final de infarto.

Premendo na imaxe podedes acceder ao álbum. Parabéns a todas e todos os participantes.

Espectacular a liga que nos deixaron as nenas e nenos de terceiro de primaria. Ademais de partidos igualados e emocionantes, quedámonos coa exquisita deportividade mostrada e o bo comportamento de todas e todos.

A clasificación final foi a seguinte:

1º clasificado: Pablo Santamaría (3ºB)

2ª clasificada: Carme Felpeto (3ºA)

3º clasificado: Xoel Prieto (3ºB)

Premendo na imaxe podedes ver algunha foto máis e un vídeo cun momento do partido.

Xa temos outra liga rematada!

Menudo nivelazo que mostraron as nenas e os nenos de quinto de primaria, Unha fase previa igualada, uns cuartos de final de infarto, unhas semifinais trepidantes e unha final memorable.

Parabéns a todas e a todos por participar e polo exemplo de deportividade.

Ao final, hai un gañador, que neste caso foi Tomás Sineiro, de 5ºB, secundado no podio por Bruno Otero e Laura Rey, tamén de 5ºB (os tres da imaxe).

Premendo na foto dos medallistas podedes ver un pequeno álbum con imaxes e vídeos.