Hai veces que na aula facemos un pouquiño de ruido. Para medir o nivel preparamos o noso robot e o convertemos nun semáforo.

No vídeo hai un pequeno erro, xa que o noso robot mide en centibelios e non en decibelios, como dicimos.

Xa que andamos a estudar a Idade Media, deunos por construír unhas catapultas e, de paso, estudar esta máquina simple, a palanca.

Unha vez construída, variamos o punto de apoio e o esforzo para facer lanzamentos máis lonxanos e máis cercanos e precisos.

Os nosos Mbot queren facer algúns dos camiños de Santiago, así que os programamos para que deran unha volta pola nosa terra. Este proxecto denominouse "hackobeo".

Botade unha ollada:

Se variamos o ángulo da plataforma de lanzamento dun saltador de esquíes varía a distancia que alcanza?

E se variamos o peso que leva enriba?

Pois a esas preguntas se lles da resposta probando, experiementando e iso fixemos, mostramos algúns exemplos.

Que hai que mandar un cohete polo aire....pois mándase.

Esta é unha actividade clásica no club de ciencia e que ano tras ano demanda o alumnado que forma parte do club de ciencia Santomeinstein.

Os resultados non sempre son os mesmos e iso é xenial para facer comparativas con gráficas doutros anos e analizar os materiais empregados.

Nestes vídeos podedes ver un par de lanzamentos.

Temos pezas de construción, temos imaxinación e temos gañas de facer un tiovivo...Pois non se fale máis.

Estudando esta máquina simple (engranaxe) fixemos un modelo de tiovivo tradicional -con manivela- e outro un pouco máis sofisticado, con motor.

Aquí tedes resultados:

As/os Santomeinsteins deste ano son bastante rockanroleiras/os. Deulles por montar grupos musicais e o resultado foi do máis variopinto. Nos vídeos podedes ver resultados.

Xa estamos de volta, os Santomeinsteins comezarán unha nova andaina neste curso 2021/2022, e será un curso marcado pola luva que nos lanzaron dende o equipo de biblioteca. Resulta que este ano, o PDI chámase "Lectoriño no Camiño", e nós, que somos ben guiadiñas/os, imos denominar este curso deste xeito: "ciencia no Camiño".

Así que no desenvolvemento das actividades verase claramente reflectida a influenza do Camiño de Santiago.

Será emocionante, comezamos!!

Os Santomeinsteins tiveron outra sesión do Club de Ciencia, neste caso empregaron placas Makey Makey, que temos á nosa disposición grazas ao proxecto Digicraft, para construír instrumentos musicais dixitalizados.

No vídeo vemos uns cantos exemplos.

É, sen dúbida, un dos clásicos do Club de Ciencia. Dende as primeiras sesións, os Santomeinsteins preguntan cando se realizará a experiencia do "cohete propulsado".

Pois ben, aínda que este ano as condicións climatolóxicas non foron as mellores, xa que a humidade e o vento dificultaron a posta en escea, o resultado non foi malo, e, coma sempre, pasamos moi bo rato e unhas cantas risas.

No vídeo podedes ver algún dos lanzamentos realizados.