Actividades extraescolares 2022/2023

Para inscribirse nas actividades durante este curso escolar, é necesario cubrir a folla que se adxunta abaixo e entregala ás titorías de grupo (pode facelo o alumnado), até o venres 23 de setembro. 

As actividades comezarán en outubro e rematarán en maio. 

Cada familia pagará a actividade directamente á persoa responsábel da mesma. Na ficha de inscrición aparecen os custos de cada actividade, así como os días nos que se desenvolverán.

Na actividade de artes plásticas haberá que mercar o material específico, ademais de facer o pagamento mensual. Se hai máis de 15 solicitudes, farase un sorteo público para poder seleccionar só o número de alumnado participante que se pode asumir. Os lenzos para esta actividade, ao non poder ser transportados no autobús escolar, serán gardados na aula multiusos da escola.

Hai que lembrar tamén que para a actividade de patinaxe non se poden transportar os patíns no autobús escolar. Existe un espazo destinado a gardar os patíns na propia escola. 

As familias que aínda non son membros da AFA, poden asociarse en calquera momento. O procedemento é simple, trátase de enviar un e-mail ao enderezo da asociación (anpaceipsacoearce@hotmail.com) coa seguinte documentación:

- folla de inscrición cuberta (en anexo)

- xustificante de pagamento da cuota anual (20€) na conta da asociación ABANCA ES75 2080 5341 0130 4000 5338