Familias

Tal e como establece a Resolución do 1 de setembro de 2020 da Dirección Xeral de Educación, FormaciónProfesional e Innovación, o alumnado incorporarase gradualmente no curso 2020-2021:

• O día 10 de setembro incorporarase o alumnado de 4º e 5º de educación infantll,  1º, 2º e 3º curso de educación primarial e educación especial.
• O día 11 de setembro incorporarase o alumnado de 6º de educación infantl e 4º, 5º e 6º curso de educación primaria.

AVISO IMPORTANTE PARA ÁS FAMILIAS DO ALUMNADO DE 4º DE EDUCACIÓN INFANTIL.

Nos seguintes enlaces tedes a vosa disposición:

1. As recomendacións e normas de organización nas aulas de 3 anos. Clicar aquí.
2. A información correspondente co período de adaptación que abranguerá do 10 ao 30 de setembro.
   Clicar aquí

IMPORTANTE:

• Os primeiros días o alumnado só deberá traer o material imprescindible: mochila, estoxo, un caderno e a merenda.
• O alumnado traerá unha bolsiña que poidan colgar para meter a máscara usada nos momentos que precisen sacala. Ademáis deben traer unha de reposto.
• É importante que o alumnado traia auga en cantimplora ou botella para evitar que beban nas billas dos aseos.
• O alumnado neste curso 2020/2021 permanece co mesmo grupo de compañeiros e compañeiras do curso anterior.
• O listado de material será entregado ao alumnado o próximo luns polos respectivos titores/as.
• O alumnado de 3º, 4º, 5º e 6º de primaria beneficiario do FondoLibros, levará o impreso para asinar polas familias o próximo luns. Unha vez devolto á/ao titora/titor correspondente, se lles entregará os libros de texto.
• A entrada/saída farase de forma escalonada respectando en todo momento as normas de seguridade polo que, pregamos colaboración e calma por parte das familias.
• Prégase as familias respeten as zonas de aparcamento e colaboren facilitando a fluidez de circulación co fin de evitar aglomeracións nas entradas e saídas. É importante non vir con presa.

Prezadas familias:

Na situación actual e a só 15 días de que remate o curso escolar (19 de xuño) organízase a entrega e recollida do material escolar do alumnado nas seguintes quendas e horarios:

• Venres 19 de xuño de 2020.

 - As familias de 1º e 2º de primaria recollen o material escolar en

horario de 11:00 a 13:00.

• Luns 22 de xuño de 2020.

 - As familias de 3º de primaria entregan os libros do Fondo Libros en

horario de 10:00 a 13:00 e, levan o material escolar do alumnado.

- As familias de 4º de infantil (3 anos) recollen o material escolar dos

nenos e nenas en horario de 10:00 a 13:00.

• Martes 23 de xuño de 2020.

 - As familias de 4º de primaria entregan os libros do Fondo Libros en

horario de 10:00 a 13:00 e, levan o material escolar do alumnado.

- As familias de 5º de infantil (4 anos) recollen o material escolar dos

nenos e nenas en horario de 10:00 a 13:00.

• Xoves 25 de xuño de 2020.

 - As familias de 5º e 6º de primaria entregan os libros do Fondo Libros

en horario de 10:00 a 13:00 e, levan o material escolar do alumnado.

- As familias de 6º de infantil (5 anos) recollen o material escolar dos

nenos e nenas en horario de 10:00 a 13:00.

• Luns 29 de xuño de 2020.

 As familias de 6º de primaria recollerán o historial académico dos seus

fillos e fillas en horario de 10:00 a 13:00. Unha fotocopia compulsada de

dito historial (folla portada e folla última na que conste a data da

Promoción a Secundaria) deberá presentarse no IES, entre o 1 e o 10 de

xullo, para formalizar a matrícula de 1º de ESO.

Respecto aos boletíns de notas podedes consultalos, a partires do día 19 de xuño, a través da aplicación abalarMóbil, tal e como se fixo na segunda avaliación. En papel entregaranse dentro da bolsa do material de cada discente.

Respecto aos libros a devolver á biblioteca do centro, os días que vides ao centro a recoller e entregar o material escolar, podedes depositalos nunha caixa que se habilitará para tal fin na entrada ao centro.

Aquelas familias que teñen patíns no centro tamén os levarán aproveitando o día que teñan que vir ao centro.

As familias con irmáns en distintos niveis educativos non teñen porque vir en días diferentes. O primeiro día que veñan, levarán o dos demais irmáns.

IMPORTANTE

Ter paciencia, respectar a distancia de seguridade (2 metros) e as normas protocolarias sanitarias establecidas (desinfección, uso de mascarilla...).

Todo o proceso realizase na entrada do edificio principal. Ao chegar temos que timbrar e esperar, en caso de que haxa unha persoa dentro, a poder entrar. Se fará de un en un. Antes de entrar o seguinte temos que esperar a que o persoal de limpeza realice o seu cometido de desinfección da zona.

Un cordial saúdo.

María Jesús Pérez

Directora do CEIP de Roxos

Despois de levar dous mese sin poder vernos, esperamos o mellor para a nosa comunidade educativa. Transmitindo moitas forzas, ánimo e ledicia cun pequeno video. 

Prezadas familias:

O profesorado do CEIP de Roxos, desexa que todos e todas esteades ben.

Esta situación non resulta sinxela para ninguén, pero é necesario seguir as recomendacións do Ministerio de Sanidade, coidándonos e coidando aos demais e isto facémolo quedándonos na casa.

Dende Inspección pídesenos á dirección do centro, para enviar a Xefatura Territorial, un informe global notificando os casos do alumnado e profesorado do centro sen acceso a Internet para poder buscar opcións de cara á terceira avaliación.

Por tal motivo prégasevos comuniquedes, como moi tarde o venres 3 de abril, aos respectivos titores e titoras dos vosos fillos e fillas mediante os enderezos electrónicos facilitados na web do centro ou, no caso de non ter acceso ao e-mail, ao propio centro no teléfono 881.867.434 en horario de 10:00 a 13:00 se algún de vós os atopades nesta situación.

Agradécesevos a vosa colaboración para que nos axudedes a transmitir este chamamento ás familias coas que esteades en contacto e saibades que non dispoñen de Internet na casa.

Queremos aproveitar esta comunicación para mandar unha mensaxe de tranquilidade e calma. As mestras e mestres do colexio deseñamos actividades para que os vosos fillos e fillas as vaian facendo na casa. Sabemos que non é unha tarefa sinxela, que moitas familias non tedes impresoras, nin ordenadores, ou temos que compartilos na casa, que as tablets non funcionan todo o ben que quixeramos... pero ante todo TRANQUILIDADE:

1. As actividades que propoñemos a través da páxina web do colexio non é necesario imprimilas, podédelas facer nas libretas ou en folios, aproveitando os recursos que tedes nas vosas casas.
2. Non é necesario que se copien os enunciados das actividades.
3. Se alguén non é capaz de resolver as actividades, ou ten problemas coa páxina web, podedes enviar un correo a calquera das direccións de correo electrónico que o profesorado facilitouvos a través da web do centro e estaremos encantados de axudarvos.
4. As actividades están clasificadas por materias. NON É PRECISO FACELAS TODAS. Cada un de vós pode ir facendo pouco a pouco o que máis lle guste, seguindo o voso ritmo, sen apuros e sen presións. NON HAI PRÉSA.
5. Se alguén está nunha situación que lle impida realizar estas tarefas, non pasa nada, este non ten que ser un motivo de preocupación. NON SON AVALIABLES, é dicir, non imos poñer notas.

Non quero despedirme sen salientar que neste momento temos todas e todos unha prioridade, que é coidarnos e coidar aos demais da mellor maneira que poidamos; estamos a vivir unha situación excepcional que require da nosa creatividade e imaxinación para resolver os pequenos obstáculos do día a día.

Seguiredes atopando na dirección unha canle aberta de comunicación a través do correo institucional (ceip.roxos@edu.xunta.gal) onde trasladar calquera dúbida ou inquietude.

Un cordial saúdo

María Jesús Pérez

Directora do CEIP de Roxos

No blog da biblioteca Lermiño cada día irá publicando curtametraxes e contos para que poidades ver e ler en familia.

 Non deixedes de visitalo!