Os nenos e nenas de 5º de Educación Primaria, ao igual que fixo o alumnado de sexto á semana pasada, acudiron ao Campo da Barca para desenvolver a actividade sobre a analítica do Río Sar.

Álbum: Curso 2023/2024 -> Analítica Río Sar - 5ºEP

Un ano máis, o alumnado de 5º de Educación Primaria participou na actividade de piragüismo no Club Náutico de Pontecesures.

Álbum: Curso 2023/2024 -> Piragüismo 5ºEP

Para celebrar o día do medio ambiente o alumnado de sexto de educación primaria fomos ao campo da Barca para facer unha analítica do Río Sar. A auga estaba algo turbia, pero logo vimos que non había macroinvertebrados das categorías máis sensibles á contaminación, como si tiñamos atopado o ano pasado no Río de Seira. O pH e nitratos están ben, pero o osíxeno da auga estaba baixo e a temperatura de 16ºC era algo elevada. Calculamos a velocidade das árbores de ribeira para manter as condicións do ecosistema fluvial e concienciarnos de que cada un de nós temos que  axudar a coidar o Medio Ambiente.

Álbum: Curso 2023/2024 -> Día do Medio Ambiente 2024

Na Sementeira apuntámonos ao Proxecto Ríos porque queremos crear conciencia medioambiental, valorando a importancia da preservación e conservación da natureza. Na aula de tres anos traballamos na elaboración dun caderno de campo no que recollemos mostras de dúas plantas que podemos atopar facilmente na beira do río cando imos de paseo: os fieitos e os estalotes. Coñecemos as plantas, compuxemos o seu nome con palabras móbiles e copiámolo de xeito autónomo, prensamos varios fieitos e estalotes para o noso caderno, e por último pintamos con pinceis para os dedos e bastoncillos.  Se visitades o noso blog  de aula poderedes ver unha secuencia de fotos que resumen a actividade levada a cabo.

Álbum: Curso 2023/2024 -> Proxecto Ríos A Sementeira

A cativada de 5º de Educación Primaria levou a cabo un traballo colaborativo de investigación sobre os peixes dos ríos galegos, o cal atópase enmarcado dentro do Proxecto Ríos.

Álbum: Curso 2023/2024 -> Proxecto Ríos 5ºEP

O alumnado de 3º e 4º de Educación Primaria, aproveitando que queda pouco para celebrar o día do Medio Ambiente, fomos a Santiago a ver o nacemento do río Sar e tamén visitamos o Museo de Historia Natural.

Álbum: Curso 2023/2024 -> Día do Medio Ambiente

O alumnado de 3º e 4º de Educación Primaria aprendemos moito grazas a unha científica de Augas de Galicia. Valoramos o uso da auga nas nosas vidas, coñecemos o importante que é respectar os cauces dos ríos e o útiles que son as areas, pedras,... no seu leito, causas e consecuencias de inundacións,...

Álbum: Curso 2023/2024 -> Proxecto Ríos Charla 3º-4º EP

Un ano máis, as alumnas e alumnos da Pementeira (5º de infantil) participamos no Proxecto Ríos, un programa de educación e voluntariado ambiental que pretende involucrar á cidadanía na conservación dos ecosistemas fluviais. O obxectivo fundamental e que os nenos e nenas comprendan a importancia dos ecosistemas fluviais e vaian interiorizando accións encamiñadas a coñecer, respectar, coidar e manter os nosos ríos con boa saúde.

Nós, alumnas/os e profe da Pementeira, estivemos aprendendo moitas cousas sobre os ríos e reflexionamos sobre a súa importancia. Despois, entre todos, elaboramos un vídeo que resume esas aprendizaxes e que nos permite compartilas coas familias. Traballamos moito vocabulario, contidos relacionados co coñemento da contorna, pero tamén melloramos a expresión oral, fomentamos o traballo en equipo, a responsabilidade, a paciencia, a confianza nun mesmo, o afán de superación e moitas cousas máis. E tamén coloreamos con acuarelas unha paisaxe fluvial.

Para finalizar, disfrutamos pintando con acuarela unha paisaxe fluvial, unindo así a expresión verbal e non verbal, deixando fluír emocións a través das cores e fomentando a vivenciación de experiencias e a interiorización  de actividades artísticas como un modo xenuino de comunicación humana.

Todo isto tamén o podedes ver no blog da Pementeira.

O alumnado de 1º de Educación Primaria fixo unha camiñata para rematar o 2º trimestre polo paseo das Torres Vikingas, no marco do Proxecto Ríos, co obxectivo de observar e desfrutar do Río Ulla ao seu paso por Catoira.

Álbum: Curso 2023/2024 -> Proxecto Ríos - 1º EP

Microproxecto "Ulla e Sar" levado a cabo polo alumnado de 1º de Educación Primaria para o desenvolvemento do Proxecto Ríos.