Actividades de centro

Por mor da climatoloxía queda adiada a actividade de Troco solidario para o próximo venres 21 de abril. 

Pasádevos pola praza Pintor Antonio con algúns dos alimentos mencionados e lévate os libros que máis che gusten. Esperámosvos o próximo venres 31 de marzo e 14 de abril.

Para homenaxear a Rosalía de Castro entre todo o profesorado e alumnado empregamos o poema Adiós ríos, adiós fontes para crear este fermoso vídeo.

Coincidindo co 141 aniversario do nacemento do pintor,  no colexio inauguramos a exposición "Cos ollos do pintor".  Para elo, comezamos con visitas guiadas polo alumnado de terceiro ciclo (5º e 6º de primaria) á aula-museo do pintor Antonio Fernández para así coñecer un chisco da súa vida, dos seus comezos....

Posteriormente o alumnado creou reproducións que elas e eles mesmos fixeron nas aulas dalgúns dos cadros do artista goianés. Tendo como resultado a exposición que poderedes ver na entrada do edificio de primaria.

Organizado pola Asociación Cultural Antonio Fernández, é un xeito de espertar entre o alumnado a curiosidade pola figura do autor e convertelos en futuros e futuras artistas.

Nesta inauguración acompañáronnos membros de dita asociación así como representantes do Concello. Quédavos un pequeno vídeo con algunha imaxe de todo o proceso. 

O pasado 30 de xaneiro conmemoramos o día escolar da Non violencia e da Paz, os rapaces e rapazas do coro quixeron agasallarnos cunha canción de Antonio Flores acompañada do son de guitarra de Andrés e a voz de Eva. 

Aquí vos queda un anaquiño da peza para que a disfrutedes tanto coma nós. Moitísimas grazas as familias colaboradoras e a todas e todos os compoñentes do core, así como as mestras de música que están a facer un gran traballo. 

 .   

 

Para rematar este trimestre leváronse a cabo varias actividades ao longo da mañá onde se priorizou a mestura do alumnado de diferentes idades. Este tipo de agrupamentos sempre resultan moi favorables para todos os nenos e nenas xa que os maiores adquiren responsabilidades de coidado, atención, axuda... e os mais pequenos e pequenas encántalles estar no "cole de maiores" con alumnado de maior idade.

 A primeira actividade foron os Obradoiros de manualidades navideñas, onde os principais protagonistas foron o alumnado de 5º e 6º de educación primaria adquirindo o rol de monitores do seu obradoiro, tiveron que encargarse de dirixir e guíar aos grupos que ían recibindo no seu taller. Tivemos 4 obradoiros diferentes duplicados, deste xeito todos os grupos puideron realizar as 4 manualidades simultáneamente.

Aquí tedes un pequeno reportaxe do mesmo.