Actividades do centro
Visita A.D Carballal
Enviado por admin o Xov, 04/10/2018 - 08:48Como todos os anos, os adestradores do equipo A. D. Carballal visitáronnos co obxectivo de que o noso alumnado coñeza un pouco mais o seu club.
Como sempre foi un pracer e o pasamos xenial.
O sabor da aventura está no mar
Enviado por admin o Mar, 07/11/2017 - 07:41En setembro iniciamos as saídas escolares cunha visita ao Porto de Canido e ao Museo de Mar, grazas ao Plan Proxecta-Aliméntate Ben, na súa modalidade O Sabor da aventura está no Mar. No Porto de Canido viron o funcionamento da lonxa, e no Museo fixeron unha degustación dos produtos do mar. Premendo na foto podedes comprobar o ben que o pasamos.
Almorzos saudables
Enviado por Anónimo o Ven, 24/03/2017 - 16:04Esta mañá, grazas ao Concello de Vigo o alumnado de 3º, 4º e 5º de Primaria puido gozar dunha charla, baixo a temática "Almorzos Saudables". Aprenderon unha morea de cousas sobre a importancia de comezar o día cun almorzo san e completo, que favoreza o seu desenvolvemento e rendemento escolar. E para rematar, como non podía ser de outra forma, que mellor maneira de aprender que experimentalo directamente. Sen dúbida, un obradoiro moi saboroso.
Un planetario no cole!
Enviado por Anónimo o Ven, 24/03/2017 - 15:50Esta semana grazas a Obra Social "La Caixa", o alumnado do cole puido gozar dunha experiencia estelar. No ximnasio do cole montouse un fabuloso planetario móbil. Trátase dunha instalación ideal para a aprendizaxe e a divulgación da astronomía; para achegar o ceo aos nenos que aínda o descoñecen, e aos adultos que o esqueceron. O planetario constaba de 4 programas baixo o título "O ceo das estacións" e unha pequena curtametraxe titulada "A nena que sabía camiñar do revés". Sen dúbida unha forma lúdica e motivadora de coñecer o universo. Aquí deixamos un pequeno vídeo do moito que gozaron os mais cativos do cole con esta experiencia.
Os Guerreiros de Terracota
Enviado por admin o Mér, 08/03/2017 - 06:32O pasado mes de febreiro visitamos a exposición dos Guerreiros de Terracota.
O alumnado fixo unha viaxe no tempo e no espazo para trasladarse ata o gran Imperio Chino, atopándose con reproducións dos orixinais do exército de Xi´an e tamén con reproducións de ferramentas, xoias, armas, cabalos,...
Se premedes na imaxe veredes o atentos que estiveron.
![RSS - Actividades do centro Distribuir contido](/centros/ceiposello/misc/feed.png)