Blog da Lingua

Como todos os anos, no mes de outubro celebramos no cole o Samaín. Cada ano o equipo de Normalización propón diferentes actividades relacionadas co uso da lingua galega e as tradicións da nosa terra. 

Este ano traballamos as diferentes lendas que forman parte da nosa cultura popular. Cada aula traballou lendas de mar, de bosque, .....e realizou un cartel sobre a lenda que lletocou. Asimesmo, os nenos e nenas tiñan que facer un cómic de medo. Os marabillosos resultados estiveron expostos nos corredores do cole durante un tempo.

Asi mesmo, os diferentes corredores do cole foron ambientados según as lendas traballadas no día propio do Samaín. Ese día de festa os nenos visitaron eses rincóns de medo, disfrazáronse e maquiiláronse e degustaron unha merenda terrorífica que as familias (como sempre moi colaboradoras) trouxeron.

Un ano máis celebramos o Día das Letras Galegas, adicado nesta ocasión á figura de Antón Fraguas, cunha semana chea de actos e actividades.

Luns, 13 de maio. Espectáculo de Maxia Escénica a cargo de 2 Minds Combined, dúo de maxia e mentalidade cun toque visual.

Martes, 14 de maio. Inauguración da Exposición do "Traxe Galego" coa colaboración da Asociación do Traxe Tradicional de Tui.

 Xoves, 16 de maio. Concertos Didácticos de Música Tradicional Galega a cargo de Tino Baz.

O día 21 de marzo celebrouse o DÍA DA POESÍA e os Equipos da Biblioteca e de Dinamización da Lingua Galega traballamos conxuntamente para propor a realización dunha fantástica actividade relacionada con esta data: un "mergullo" do alumnado neste fantástico mundo da poesía.

Léronse poemas e escribíronse outros creados polo propio alumnado e que, eles mesmos, foron depositando nos lugares indicados para tal fin: un vasiños de plástico transparente colocados nas portas da Biblioteca.

Durante toda a semana tamén se realizaron sesións de recitado de poemas por parte de alumnado voluntario desde o espazo da Biblioteca e que se puideron escoitar pola megafonía do centro durante os tempos de lecer.

Nestas datas tan sinaladas, o espírito navideño comeza a inundarnos a todos. A ilusión, os bos desexos e as emocións e valores positivos, que sempre debemos ter en conta, cobran especial relevancia nestas datas.

O Nadal é un bo momento para compartir experiencias, contar historias, transmitir valores e, sobre todo, para ilusionarnos e desexarlles aos demais todo o mellor. Podemos transmitir o valor de dar e non só de recibir, o valor da unión e o valor de compartir, e a importancia de pasar momentos xuntos e realizar actividades en equipo que nos axuden a crecer e a fortalecer a nosa autoestima.

Promover e cultivar entre o noso alumnado todos estes valores forma parte do noso quefacer diario. Por iso, desde o Equipo de Dinamización da Lingua Galega, animamos a todo o alumnado a participar nas actividades propostas para levar a cabo estes propósitos:

• Elaboración de postais, en formato tarxeta, escritas en lingua galega con felicitacións e bos desexos.
• Recreación dunha aldea galega coa colaboración de todos os niveis educativos do centro confeccionando elementos característicos e propios das nosas aldeas: pontes, muíños de auga, casiñas, pozos, calustras e outras figuras .

Aquí vos deixamos algunhas fotos da exposición de postais e a maqueta da aldea galega para que vexades o fantástico traballo realizado entre todos.

Seguindo coa celebración e, para non perder o gusto por esta tradicional festa, preparámonos para unha espectacular degustación de pratos típicos do Samaín saudables cun gran toque de inxenio e orixinalidade.

Durante os últimos días, o alumnado do centro foi escribindo as súas receitas de cociña terrorífica saudable e hoxe, para rematar a xornada, trouxeron da casa as súas elaboracións coas que preparamos esta fantástica degustación. Queredes ver o resultado? Simplemente espectacular.

Moitas, moitas grazas a todas as familias pola implicación amosada e por esta gran participación.

Xa temos de novo o noso blog funcionando e agora tamén con logo propio. Estreamos cabeceira cunha imaxe personalizada onde o noso compañeiro Fernando, coordinador do Equipo e grande artista, buscou conxugar o nome do noso centro (no interior dun instrumento perfectamente identificble para a nosa profesión como é un libro) co símbolo do noso concello, o seu escudo.

O resultado xa o podedes ver. Precioso! E se a todo isto lle sumamos as cores da bandeira da nosa Terra e o encabezamento escrito baixo o título CAMIÑANDO ENTRE VERBAS, a imaxe non pode ser máis significativa.