Blog da Lingua

E chegou o 24 de febreiro.....o Día de Rosalía!!

No cole celebrámolo de xeito virtual coa elaboración conxunta da actividade "Rapeando a Rosalía".

Nas aulas os titores traballaron máis polo miúdo a figura da nosa gran escritora e tentamos facer no exterior unha exposición dos traballos do curso pasado para esta data. Tivemos sorte que non choveu....pero o vento entorpeceu un pouco o desenvolvemento da actividade.

Por outra banda, a mestra de infantil Ana, preparou unha instalación artística de xogo e movemento baseada na figura de Rosalía de Castro. Invitámosvos a visitar o blogue da Biblioteca do cole onde atoparedes a explicación da actividade e fotos e vídeos desta exitosa actividade. Preme na imaxe para ir ao blogue da Blibio. Non volo perdades!!!

Un ano máis, o 2 non podía faltar na celebración máis divertida de todo o curso....a do Entroido!!

Neste ano máis que nunca, tiñamos que manter as tradicións....e durante toda a semana Lúa deixou os seus mandados....algo na testa, no pescozo, zapatos coloridos, a roupa do revés......e o día máis esperado polos nenos....o venres!!! Ese é o día que poden vir disfrazados do que desexen, sempre cumprindo coas normas do sentidiño.

Falamos nas aulas do Entroido, das diferentes formas de celebralo na nosa terra......personaxes de entroido, tradicións.......

E así desfrutaron algúns dos nosos nenos e nenas do Entroido no 2:

Achégase un ano máis o 30 de xaneiro.....un día no que nunca está de máis recordar que non queremos vivir nun mundo onde haxa violencia de ningún tipo....nen sequera a través da fala. Cantas verbas bonitas na nosa lingua que soan tan ben....que expresan bos sentimentos....verbas que deberían soar todos os días....e se é en galego.....mellor!!!

Os nenos e nenas de 5 anos B queren berrar en galego que queremos paz...preme na imaxe para escoitalos:

Como o título da entrada dí....comezamos este novo ano con moita forza e responsabilidade!!!

Sabemos que o 2021 ofrece nada menos que outras 365 novas posibilidades......de ser felices, de cumprir soños, de rir, de emocionarnos, de aprender, de valorar, de coidar e coidarnos....e por qué non, nun futuro non tan lonxano, de darnos bicos e apertas!!

Esta semana, a primeira deste trimestre....todo o cole realizou unha actividade moi sinxela para pararnos un anaco e reflexionar, desexar e pensar nos novos propósitos para este ano incerto.....

Transformamos un anaco da nosa aula nun mar......nun mar ao que botamos as nosas botellas cheas de desexos e propósitos para este ano. Unhas botellas que esperemos cheguen todas a bo porto para que se cumpran todos e cada un destes desexos.

A continuación, unha pequena mostra do gran traballo do noso alumnado:

Dende o equipo de EDL queremos agradecer a boa disposición e o traballo comprometido de todo o profesorado!!

A continuación unha pequena mostra do resultado....

VÍDEOS (PREMER NAS IMAXES):

IMAXES:

Nestes tempos tan complicados, nunca está de máis recordar un dos mellores consellos que debemos seguir para gañarlle ao virus......e se se fai en galego....e cantando....que máis podemos pedir???

Nesta ocasión, o alumnado de 4º B presume de lingua e de voz....preme na imaxe para desfrutar e cantar con eles!!!

Estades preparados xa??

Porque este ano ides ter que traballar arreo pola nosa lingua....e que mellor que a través da lectura??

pero non vai só ler e ler e ler.....ademáis ides ter que:

- recomendar aos compañeiros doutras aulas o que tedes lido na clase en formato dixital....e botándolle imaxinación!

-contar ou representar un conto ou un anaco da vosa lectura.....

-facer un resumo, facer unha crítica do libro....musicando a vosa aportación....

buff...hai tantas opcións.....e se non se vos ocorre nada.....os titores e titoras deste cole son especialistas en facer cousas moi moi chulas....pedídelles axuda...

E todos os vosos traballiños van a estar expostos aquí para que todo o cole siga as vosas recomendacións de lectura, escoite as vosas opinións, os vosos contiños feitos por vós...

E pensaredes....e todo isto....por qué?? Pois porque vivimos en Galicia.....somos galegos.....e temos unha lingua propia que merece ser coidada e darse a coñecer.....

PREME NA SEGUINTE IMAXE PARA VER O VÍDEO QUE DA SAÍDA A ESTA ACTIVIDADE:

A figura de Rosalía de Castro é unha das máis grandes da nosa historia literaria. Cada ano, o 24 de febreiro rendímoslle homenaxe ao noso xeito. Este ano os nenos e nenas traballaron na aula un dos seus poemas e decoraron un poster que quedou exposto no cole. É xusto dicir que os nosos nenos e nenas sempre nos sorprenden pola gran calidade das súas creacións. Grazas tamén aos titores e titoras que atoparon un oco para traballar a nosa proposta.