Skip to Content

2º Curso

Almorzos con beizos brancos

Dom, 26/03/2017 - 16:10 — admin

O venres 17 de marzo, o alumnado de Primaria e 6º de Ed. Infantil participou na actividade “Almorzo con beizos brancos” que organizou a Asociación Galega de Cooperativas Agrarias (Agaca) en colaboración coa Obra Social 'la Caixa' . 

O obxectivo principal foi o de tratar de inculcar aos nenos e nenas hábitos saudables e mostrarlles que se pode comer rico e san. 

Primeiro, descubrimos o que son as cooperativas agroalimentarias galegas (AGACA) e do sobre o seu compromiso coa seguridade dos alimentos en todos os seus procesos de produción, desde o campo ata a mesa. Logo, unha especialista en nutrición informounos  do importante que é seguir unha dieta saudable xunto coa realización de exercicio físico. Asemade, falounos da importancia da leite e do seu proceso de transformación desde que é ordeñada ata que chega á noso mesa. Realizamos un xogo didáctico, con pegatinas e brick reciclados, para ver “ De onde ven a leite”.

Pero non se trataba só dun obradoiro teórico, senón que, o alumnado e profesorado, tiveron a oportunidade de disfrutar dun almorzo rico e saudable:Un vaso de leite enteira con cacao natural e mel como edulcorante; unha torrada de pan con aceite de oliva e unha peza de froita. 

Hai que repetilo!!

 

Día da Poesía 2017

Mar, 21/03/2017 - 13:13 — admin

O día 21 de marzo celebramos o Día da Poesía, no noso cole, cun poemario, onde as linguas e a chegada da primavera tiveron un gran protagonismo.

Nas seguintes ligazóns están dispoñibles os vídeos das diferentes actuacións:

Se premedes na seguinte imaxe accederedes á gañlería de imaxes.

Paxaro amigo

Mar, 14/03/2017 - 13:53 — admin

0 14 de marzo, o alumnado de 1º e 2º de Ed. primaria asistiu á representación musical "Paxaro amigo".

Músicas para a paz, de Mamá Cabra é un espectáculo para nenos, inspirado no libro "A bruxa Discordia", que nos anima a construír un mundo mellor e máis xusto.

Pasámolo XENIAL!!

Xoves de comadres 2017

Dom, 26/02/2017 - 15:32 — admin

O Xoves de comadres, o alumnado de 1º e 2º de Educación Primaria, asistiu á Praza Maior de Ourense para participar nas actividades que organizou o Concello e dirixidas por Sabela e os seus colaboradores.

Nesta ocasión, como manda a tradición, foron as nenas as que perseguiron aos nenos para destruírlles as súas comadres. Como eramos moitos nenos, fixemos dúas carreiras.

Ao final, só uns poucos nenos conseguiron deixar intactas as súas comadres dos impetuosos ataques das nenas.

Saímos nos informativos da TVG de galicia:

Obradoiro para o xoves de comadres.

Mar, 14/02/2017 - 19:29 — admin
O xoves 16 de febreiro, celébrase o Xoves de Compadres o que nos sitúa ás portas do Entroido. No noso colexio, os rapaces de 1º e 2º de Ed. Primaria están a elaborar os bonecos cos que protagonizan a tradicional loita de sexos. Pezas elaboradas con páxinas de xornais, papeis de cores e distintos complementos baixo a dirección de Sabela e o seu equipo contando coa colaboración do Concello de Ourense.
 
En Ourense sucédense os preparativos para a festividade do Entroido. Desta volta son os colexios os protagonistas. Os obradoiros que organiza o Concello para os xoves de Compadres e o de Comadres dan boa mostra da imaxinación dos máis pequenos. Os rapaces xa van preparándose para os días grandes do Carnaval.
 
Só precisan papel de xornal, outros de cores e, por suposto, imaxinación.
Agora só hai que agardar a que cheguen as carreiras e toda a diversión do Entroido.

Nós, asistiremos, o xoves 23 de febreiro, ao "xoves de comadres" que se celebrará na Praza maior de Ourense organizado e dirixido por Sabela e o seu fabuloso equipo de traballo.
 
Na seguinte galería podedes obserbar o desenvolvemento do obradoiro realizado no noso centro.
 
A TVG filmou no noso centro o proceso de elaboración das comadres e compadres e publicouno nas novas do día 14 de febreiro.
Saimos na tvg
Preme na imaxe para ver a nova na TVG

Sandra e Meirol en Xistralia

Lun, 13/02/2017 - 15:43 — admin

O 13 de febreiro o alumnado de 1º e 2º de Ed. Primaria asistiron no Auditorio Municipal a representación musical "Sandra e Meirol en Xistralia", de Gaiteiros da Xistra. 

Meirol, un amigo, un músico, un caracol, acompaña a Sandra nunha viaxe chea de sorpresas e obstáculos. Ambos xogan cos instrumentos musicais tradicionais e cos Fastudos. Descubriron un novo mundo máxico onde conviven meigas e dragóns. Cantaron e bailaron ao son das muiñeiras, xotas e pasodobres, e ata a propia Sandra estivo a piques de ser raptada por Terco, o malvado dragón de dúas cabezas.

Sandra e Meirol fixeron que todo o público participara das súas aventuras por medio das cancións e do baile.

 Galería de imaxes

O cociñeiro Martiño

Mar, 31/01/2017 - 13:57 — admin

O 27 de xaneiro visitounos o cociñeiro Martiño (Iago López) para contarnos historias da cociña do palacio real. Nel, andan buscando alguén para traballar nas cociñas. Unha persoa que saiba guisar, asar e cocer para reis, raíñas, marquesas, duquesas e príncipes de todas as cores e condicións… Martiño quere preparar o mellor biscoito da súa vida, pero antes debe conseguir os ingredientes que precisa...

...os alumnos e alumnas do noso cole axudaron ao cociñeiro Martiño a buscar os ingredientes para preparar ese gran biscoito...

...ao final, conseguírono!!

Cancodrilo na horta

Xov, 26/01/2017 - 10:21 — admin

O 26 de xaneiro, na sala de usos múltiples do noso cole, tivemos o privilexio de contar coa presenza da contacontos ourensá Sabela que encandilou ao alumnado coa posta en escena de dous contos da colección "Cancodrilo" de Xabier López e ilustrados por Javier Rey e Silvia González.

Coas aventuras de "Cancodrilo", metade home e metade crocodilo, na horta e pintando, traballamos  valores, coma o respecto e a amizade, engatusados polos poderes máxicos de Sabela.

Sobra dicir que o pasamos xenial, como ben reflicten as imaxes da Galería.

 

Festival de Nadal 2016

Mér, 21/12/2016 - 19:50 — admin

O 20 de decembro celebramos o Festival de Nadal no Salón de actos do IES As Lagoas a cuxo equipo directivo e persoal laboral queremos agradecer as atencións que desinteresadamente tiveron connosco.

Tamén é de agradecer a gran afluencia de público que tiveron os nosos alumnos e alumnas así como o seu comportamento ao longo de toda a función. Esperamos que nos perdoaran os posibles erros cometidos no desenvolvemento da mesma.

Nas seguintes ligazón tendes acceso ás diferentes actuacións.

  1. Panxoliña: "O moneco de neve". Ed. Infantil.
  2. Poemas 5º Curso.
  3. Varias panxoliñas e cancións: 3º EP.
  4. Obra de teatro: "Comerei dous". 4º EP.
  5. "Mi burrito Sabanero": 1º e 2º de EP.
  6. "O baile da carrasquiña": 1º e 2º de EP.
  7. Obra teatro: "El milagro del amor". Alumnado de 4º e 6º de EP.
  8. Panxoliña final. 6º, 4º e 3º de EP.

 

Ver a galería de imaxes do Festival de Nadal

Sesión de xogos realizada polo alumnado do CIFP Portovello

Xov, 01/12/2016 - 15:30 — admin

Alumnado do CIFP Portovello, coa coordinación do seu titor Roberto Fdez Cartón, desenvolveu no noso colexio unha sesión de xogos baixo a temática dunha "feira" formada por 5 casetas, cada unha delas cun xogo diferente, polas que foron rotando todos os nenos e nenas de Ed. Primaria do centro. Asemade, o alumnado de Ed. Infantil tamén participou nunha sesión, especialmente deseñada para eles, no patio de xogos do cole.

Os xogos realizados foron os seguintes: tres en raia (dragón); paracaídas (tiovivo); rá e as pontes (tirachinas), e o globo irrompible (rompebolas). No programa da sesión pódese ver en que consistía cada xogo. Todos eles foron do agrado do alumnado, non hai máis que ver as súas caras na galería de imaxes.

Felicitamos ao alumnado do CIFP Portovello e ao seu profesorado por esta actividade e animámolos a repetila nun futuro que esperamos sexa próximo.

Moitos parabéns polo traballo realizado!!

GALERÍA DE IMAXES

Distribuir contido


by Dr. Radut