Ao longo dos meses de inverno realizamos nas clases de Ed. Física varias sesións de xogos tradicionais de Galicia aos que xogaban cando eran cativos os nosos pais e nais.
Estes xogos tradicionais, como outros elementos culturais, conteñen diferentes concepcións que forman parte da sociedade, teñen unha dimensión lúdica e educativa, e son parte importante da convivencia e cooperación en grupo.
Asemade, posúen un gran valor socio-cultural que sobrepasa os aspectos lúdicos, pois cada xogo presenta diferentes características dependendo da zona na que se practica.
Con estas actividades preténdese, como fin principal, divertir e entreter aos nenos e nenas no seu tempo de lecer.
Pasámolo xenial!!!
