O 11 de outubro visitamos o Parlamento de Galicia e A Xunta de Galicia grazas ao convenio de colaboración asinado entre Parlamento de Galicia e a Consellería de Cultura, Educación e Ordenación Universitaria que permite organizar visitas guiadas conxuntas ás sedes do poder lexislativo e do poder executivo galegos para o alumnado de 5º e 6º de Primaria de centros de titularidade pública da Comunidade Autónoma.
O obxectivo deste programa, denominado "Coñece as túas institucións", é que o alumnado poida coñecer de primeira man o funcionamento do Parlamento e da Xunta e comprenda a separación de poderes propia das democracias.
Grazas a esta actividade xa somos quen de coñecer un pouco máis e mellor as nosas institucións de Santiago de Compostela.
