Onte o alumnado de 4º, 5º e 6º de primaria participou no divertido obradoiro de música tradicional e ilustración,"Nosos Ilustres instrumentos", parte do programa Ilustrarnós organizado pola Deputación de Lugo. Dito obradoiro correu a cargo da ilustradora Laura Romero e do músico Juan A. Álvarez.
Dende a biblioteca queremos conmemorar o Día Internacional do Libro, realizando o vindeiro luns (se o tempo o permite) a II Edición da actividade “AO AIRE LIBRO”, e seguir gozando da lectura tamén, fóra das aulas.
A continuación, deixámosvos un entretido xogo de preguntas sobre diversos contos populares.
Dende a biblioteca seguemos fomentando tamén o hábito lector no ciclo de Educación Infantil e en 1º de Educación Primaria realizando diversas actividades relacionadas con contos infantís: Soños de neve, Guapa, Xogamos ás mans?, Os oficios de Xan, Lola e as 21 vacas, O día de Elmer, A Mochila invisible, Raios de Sol, O Paraugas de Cebra, Antón o rato, O Segredo de Flora, Tomás O Bromista, Caracol e Caracola, Un becho estraño…
Onte o alumnado de 3º a 6º de Educación Primaria tiveron a oportunidade de recibir unha interesante e emocionante charla sobre a inclusión escolar e social, lembrando que todos somos iguais e que temos os mesmos dereitos e oportunidades, independentemente de cómo sexamos e de onde sexamos.
Esta actividade.foi organizada pora FAPACEL e xestionada pola ANPA.
Hoxe o alumnado de 6º de Educación Infantil, 1º e 2º de Educación Primaria, recibiron a charla afectivo-sexual “Por que temos embigo?”, impartida por unha matrona, para dar a coñecer a súa profesión e tratar diversos aspectos relacionados co propio corpo e a reprodución. Esta actividade foi organizada pola FAPACEL e xestionada pola ANPA.
O pasado 21 e 22 de marzo, o alumnado de 3º a 6º de Primaria asistiron á actividade "Grand Prix Financiero", organizada pola sede Afundación, onde tiveron a oportunidade de gozar e aprender a xestionar os aforros e coñecer a importancia da saber axustarse a un presuposto a través do xogo, da creatividade e da imaxinación.