As alumnas e alumnos de Relixión Católica queremos compartir con todos/as un dos proxectos que traballamos neste trimestre. Montamos entre todos/as a procesión da Borriquiña. Trátase de algo tradicional na nosa cultura cristiá, pero tamén é unha pinga da cultura da nosa bisbarra, xa que as procesións de Semana Santa de Ferrol son un reclamo cultural que atrae a xente de moitos lugares. É algo para coñecer, comprender e valorar.