O alumnado do Centro puxemos a nosa horta, que levaba tempo abandonada.
O alumnado de Ed. Infantil animouse coas leitugas, o alumnado de 1º e 2º usaron un carriño moi xeitoso e os maiores cultivamos leitugas, tomates e pementos.
Procuramos que todo fose o máis ecolóxico posible, usamos compost para abonar a horta, e sen pesticidas nin herbicidas, usamos unha cuberta transpirable para evitar que aparecesen as malas herbas.
Gustounos moito atendela, e ben seguro que repetiremos esta grande experiencia.
Durante o mes de Maio celebramos o mes das Letras Galegas, este ano adicado á poeta e editora Xela Arias.
Celebrámolo coa lectura dalgúns dos capítulos do seu libro titulado: Non te amola!, un libro inédito da autora, por ser este en prosa e porque narra aspectos da súa propia vida cando era unha nena de nove anos.
Ademáis fixemos uns obradoiros de poesía para o alumnado dende 4º a 6º curso, organizados en colaboración coa AELG (Asociación de escritores e escritoras en lingua galega), e impartidos presencialmente en cada aula pola escritora e xornalista Andrea Barreira baixo o título: "Cada día, a familia".
Ademáis o alumnado de Infantil, 1º e 2º fixeron uns debuxos alusivos á homenaxe, e os de 5º e 6º curso uns marcapáxinas conmemorativos, de diseño propio, coa impresora 3D.
O pasado día 8 de marzo conmemoramos o Día Internacional da Muller. Nesta ocasión e tendo en conta que estabamos a crear conciencia medioambiental celebrámolo coñecendo e lembrando a aquelas mulleres que tiveron un papel relevante tanto na defensa da natureza coma na conservación do medio ambiente: Dian Fossey, Jane Goodall, Greta Thunberg,...
Fixémolo a nivel aula coa elaboración de pequenos murais, biografías e tamén utilizando a impresora 3D, onde imprimimos uns medallóns alusivos a estas grandes mulleres e outros co gallo do Día de Rosalía de Castro.
