Articles

O pasado venres 28 de outubro, celebramos no centro a IX Festa da Froita, aproveitamos para celebrar o magosto e o samaín.

Nesta ocasión traballamos sobre  o tema do noso PDI "hábitos saudables".

O alumnado de sexto foi o encargado de presentar aos seus compañeiros e de presentarnos as bondades das diferentes froitas traballadas por cada curso:

• O alumnado de infantil traballaron sobre a "mazá". Comezaron cantando e bailando "El baile de la fruta". Para logo cantar "Mazás por aquí" ao ritmo da canción popular "Los esqueletos", mentres ían recitando pareados creados por eles mesmos.
• O alumnado de primeiro de primaria, traballaron sobre o "figo". Recitaron o refrán "Polo San Miguel os figos saben a mel" e cantaron a canción de "toma moita froita", versión en galego dun tema de "Bom Bom Chip".
• Os de segundo, traballaron sobre a "pera". Cantaron e bailaron "Que rica é a pera", adaptación da canción "Os pitiños dicen pio, ... pio, ... pio...".
  
• O alumnado de terceiro traballou sobre "o marmelo". Crearon un conto en poesía "O marmelo cogomelo", adaptación dun poema portugués.
• Os de cuarto traballaron "a castaña" e cantaron e bailaron "O rap das castañas".
• O alumnado de quinto traballou sobre "a noz" e, con moita enerxía, cantaron e bailaron "para medrar", canción de hábitos saudables.
• O alumnado de sexto traballou sobre "a uva". Comezaron presentando unhas adiviñas sobre a froita e representou o relato da uva no "Lazarillo de tormes" e a fábula "A raposa e as uvas". Cantaron cancións de taberna "Cantigas do viño". Remataron presentando as diferentes variedades de viño de Galicia: Ribeiro, Ribeira Sacra, Rías Baixas, Valdeorras, Monterrei.
  

Samaín

Este ano, como en anos anteriores, houbo exposición de cabazas con agasallo, por parte do ANPA, para todos os participantes.

Magosto

Ao igual que outros anos houbo concurso de cestas de froitas, organizado pola AGFA, tamén houbo agasallos para todos os participantes (unha árbore para cada un) e premios para os tres primeiros (dúas árbores).

Rematamos a xornada coa degustación das larperiradas elaboradas polas familias e polo alumnado.

Moitísimas grazas a todos e agardámosvos o vindeiro ano.

Podedes ver as imaxes e os vídeos  nas súas respectivas galerías e clicando nos enlaces que tedes a continuación:  FOTOS        VIDEOS

A continuación tedes unha breve presentación da xornada.

Como todos sabedes, este ano adícase o día das Letras Galegas a Manuel María, nado en Outeiro de Rey (Lugo). No centro realizamos diversas actividades para coñecer mellor a vida e obra do autor homenaxeado:

Comezamos as celebracións o día 20 de maio onde o alumnado de 5º de primaria explicou a vida do autor e recitou poemas da "Terra Chá".

O luns 23 de maio o alumnado de primeiro recitou poemas sobre a "Natureza" os de segundo "O paso do tempo" e os de terceiro "Sonetos  a casa de Manuel María".

O xoves 26 o alumnado de Infantil representou unha adaptación teatral de Manuel María : "Unha sombra vai polo camiño: como desapareceu a Atlántida e apareceron os lagartos", a continuación os de cuarto presentaron a "Biografía da muiñeira" e os poemas "O home" e "O afiador".

Rematamos o venres 27 coa representación por parte do alumnado de 6 da obra "Aventuras e desventuras dunha espiña de toxo chamada Berenguela" e "Manuel María: reivindicativo en defensa da Lingua Galega".

Pechamos os actos, polo momento, a espera do concerto didáctico, cantando todos xuntos o Himno Galego.

Tedes máis información no blogue da biblioteca, no seguinte enlace: "Maio mes das letras"

Tedes as fotos e os vídeos nas súas respectivas galerías:

FOTOS

VÍDEOS

Coma sempre rematamos cunha pequena presentación da xornada.

Un ano máis no CEIP Plurilingüe de Andrade, celebramos a festa dos "maios". Nesta ocasión, coa participación de todo o alumnado do centro, elaboramosun maio tradicional da nosa zona: "OS ARCOS FLORIDOS".

Ao igual que en anos anteriores o alumnado de 6º de primaria, participou no concurso organizado polo Concello.

Grazas a todos pola vosa colaboración e especialmente as familias que aportaron o verde e as flores para a elaboración do maio.

Tedes o reportaxe gráfico nos seguintes enlaces:

FOTOS

VÍDEO

Coma sempre despdímonos cunha pequena presentación da xornada.

O 24 de febreiro, celébrase o "Día de Rosalía". Nesta ocasión o alumnado de 6º leu unha presentación sobre a vida e obra de Rosalía, a continuación formularon ao resto do alumnado unhas preguntas sobre Rosalía, que foron contestando os alumnso dos distintos cursos de primaria.

A continuació recitamos entre todos o poema " A Rosalía", que o escritor "Manuel María" adicou a escritora homenaxeada.

Todo o alumnado, seguindo as propostas dadas pola Asociación de Escritoras e Escritores en Lingua Galega (AELG), levou para as súas casas unha postal e unha flor.

Coma sempre tedes as fotos e os vídeos da xornada nas súas respectivas galerías:

• fotos
• vídeos

Deixámosvos cunha presentación da xornada.

Este ano, como xa é tradición no noso centro, o pasado venres, como remate a festa de ENTROIDO, celebramos o entierro dos mecos.

En primeiro lugar lecebramos o xuizo, onde declarouse ao "mecos ENXEBRES" culpables de todos os males. Posteriormente  a "secretaria", deu lectura ao testamento, que os mecos deixaron aos mestres e ao alumnado.

Tedes as fotos nos seguintes enlaces.

FOTOS

VÍDEOS

Deixámosvos cunha pequena presentación da xornada.

O pasado venres 5 de febreiro, celebramos no centro a festa de "Entroido".

Previamente, ao longo da semana, foron aparecendo os mandatos dos mecos.

Este ano o lema foi: "O Entroido máis enxebre". 
Enlazando co noso PDI anual: "A cultura popular do lugar onde vivimos", propuxemos realizar un desfile de disfraces, que non foxen mercados, senón elaborados con roupa e accesorios que tiveran pola casa, e facendo referencia ao popular.

Cada alumn@ que quixo participar no desfile tivo que traer unha tarxeta cuberta co nome do disfrace, unha breve descrición divertida e o nome do deseñad@r. 
Aos participantes entregámoslles un diploma de participación e un pequeno agasallo.
Rematamos a festa cunha degustación das larpeiradas de Entroido (orellas, filloas, torrixas, ...), aportadas polas familias. Grazas a todos pola vosa colaboración.

Ao rematar o desfile o almnado compartiu un anaco cons zancudos, organizado polo Concello de Pontedeume.

Tedes as fotos e os vídeos nas súas respectivas galerías:

FOTOS

VÍDEOS

Rematamos cunha pequena presentación de fotos.

O pasado venres, 29 de xaneiro, celebramos no centro o "Día escolar da non violencia e a Paz", nesta ocasión RAIOTECA, troúxonos unha adaptación do libro "A bruxa discordia", de mama cabra e Carmen Gil con ilustraccións de Iria Fafián.

Tedes mais información no Blog da biblioteca do centro.

Podedes ver as fotos e os vídeos da xornada nas súas respectivas galerías:  FOTOS       VÍDEOS.

Coma sempre deixámosvos cunha pequena presentación da xornada.

FELIZ   DÍA   DA   PAZ

Este ano para celebrar o Nadal, o Equipo de Dinamización Lingüística, seguindo co proxecto do centro "A cultura popular do lugar onde vivimos", fixo unha recompilación de panxoliñas da nosa zona e un estudo das peculiaridades do Nadal da época celta e romana, con cantigas, ritos e danzas.

Podedes ver as fotos e os vídeos da xornada nas súas respectivas galerías.

Coma sempre rematamos cunha pequena presentación de fotos da xornada.

Feliz ANINOVO.

O pasado xoves 29 de outubro, celebramos no centro a oitava festa da froita autóctona do Eume, organizada en colaboración coa Asociación Galega da Froita Autóctona (AGFA) do Eume.

Nesta ocasión todos os actos xiraron arredor do tema " a cultura popular da nosa zona".

Comezamos os actos co alumnado de 3º e cuarto que nos presentaron as diferentes froitas típicas de outono e as receitas que elaboraron con elas.

A continuación o alumnado de 1º e 2º representaron unha vendima.

O alumnado de 5º representou unha esfollada de maínzo a ritmo dunha xota.

Sexto curso realizou unha regueifa entre o samaín e o magosto.

O alumnado de infantil repartiu castañas entre o resto do alumnado.

Despois cantamos todos xuntos o rap do magosto.

Rematamos coa entrega de premios ao concurso exposición de cabazas, entregados polo ANPA do centro que deu un agasallo a cada un dos participantes. Continuamos coa entrega de premios do concurso de froita, a AGFA do Eume fixo entrega dunha árbore a cada un dos participantes e ademais dúas árbores mais aos gañadores en cada unha das categorías.

Ao finalizar,  todos xuntos (familias, alumnos mestres e colaboradores do AGFA), degustamos os doces, elaborados polo alumnado e as súas familias, e as castañas asadas que aportou a AGFA.

Grazas a todos pola vosa colaboración nesta festa e esperámosvos o vindeiro ano.

Tedes as fotos e os vídeos da xornada nas respectivas galerías: FOTOS       VIDEOS

Coma sempre deixámosvos cunha pequena presentación da xornada.

Como todos sabedes este ano adícase o día das Letras Galegas ao escritor pontevedrés "Xosé Fernando Filgueira Valverde", nado en Pontevedra o 28 de outubro de 1906 e finado o 13 de setembro de 1996.

Este ano no que todo xira ao redor do mar, no cole queremos ter unhas letras galegas mariñeiras, por iso "RAIOTECA" preséntanos un conto mariñeiro "A abella ultramariña", que o alumnado do centro representa para todos nós. Rematamos coa canción "Todos somos mariñeiros". Esperamos que vos goste.

O xoves 21 continuamos coas celebracións, nesta ocasión o alumnado de 6º de primaria, explica, cuns murais de elaboración propia, a "Vida e obra" do escritor homenaxeado "Xosé F. Filgueira Valverde". A Continuación o resto de cursos representa, tamén a través de murais de elaboración propia, diferentes obras mariñeiras do autor.

Rematamos cantando todos xuntos a canción "EN GALEGO"

Coma sempre tedes as fotos e os vídeos nas respectivas galerías:  FOTOS;   VÍDEOS.

FELIZ DÍA DAS LETRAS GALEGAS.