Articles

O pasado venres 23 de novembro recibimos a visita do xenial pintor "LEANDRO LAMAS".

Para agradecer a visita de Leandro en primeiro lugar varios alumnos do centro recitaron o poema sobre Leandro Lamas que escribió "Sechu Sende".

Posteriormente, Leandro nunha entrevista levada a cabo polo alumnado do centro, respondeu as preguntas sobre a súa vida e obra.

Rematamos cun debuxo representando ao "APALPADOR" que Leandro realizou para o cole. Foi un auténtico pracer ver traballar a un pintor da talla de Leandro.

No blog da biblioteca tedes mais información sobre esta xornada: LEANDRO

Grazas Leandro, a partir de agora formas parte deste centro para sempre.

Ata sempre.

Tedes as fotos da xornada na GALERÍA e os vídeos no seguinte enlace: VÍDEOS.

Deixámosvos cunha pequena presentación da visita.

Leandro Lamas on PhotoPeach

O vindeiro 21 de xuño celebramos a festa de fin de curso.

• Comezamos cun pase de diapositivas onde repasamos a traxectoria do alumnado de sexto polo colexio.
  
• Graduación dos nenos/as de 6º de infantil.
  
• Graduación dos maiores do cole, os de sexto de primaria.
  
• Entrega de agasallos aos colaboradores da biblioteca.
• O alumnado de infantil deleiton¡unos coa canción "Ay si eu che pego".
• Posteriormente cantamos "O rap de Andrade".
• Rematamos cantando e bailando "Danza kuduru".

Deixámosvos cunhs imaxes da celebración, como sempre tedes o resto de fotos na GALERÍA e tamén podedes ver o VÍDEO.

FELIZ VERÁN.

Fin de curso 2011-2012 on PhotoPeach

Para  mais información clica no enlace:

" The Shoemaker and the Elves"

As alumnas e alumnos de 3º curso de Primaria fixeron unha representación de teatro de sombras dunha obra en inglés titulada: "The Three Billy Goats". Tivemos uns invitados moi especiais, os nenos e nenas do 3º curso de primaria do CEIP Couceiro Freixomil, eles tamén representaran para nós no seu colexio unha obra titulada: " The Shoemaker and the Elves".

Ao remate da representación, a nosa auxiliar de conversa, Amy, fixo unha presentación contándonos moitas cousas interesantes do seu país, the USA, e en concreto do lugar onde ela vive: Tenessee. Ademáis agasallounos cunhas galletas típicas americanas, elaboradas por ela mesma, con crema de cacahuete e chocolate. Moitas grazas Amy. Botarémoste moito de menos. Boa viaxe !!! 

Tamén queremos desde aquí darlles os parabéns a todos eses fantásticos actores e actrices.
Ata a próxima.

Tedes a vosa disposición o vídeo e as fotos nos seguintes enlaces: FOTOS     VÍDEOS

The Three Billy Goats on PhotoPeach

O pasado venres 30 de marzo, realizamos a 2ª xornada de xogos tradicionais. Nesta ocasión os xogos foron os seguintes:

• Brilé.
• A corda.
• O pano.
• O baile da escoba.
• As tabas.
• As chapas.
• Os zancos.
• A mariola.
• As bolas.
• A zorregada co cinto.
• Carreira de sacos.

Nesta ocasión fixemos 11 grupos de nenos, mesturados por ciclos, que foron rotando por todos os xogos.

Grazas a todos os/as colaboradores, pais, nais, mestras, conserxe, que fixeron que a xornada fose un éxito. Esperamos contar coa vosa colaboración en vindeiras xornadas.

Deíxovos cunha presentación de fotos da xornada. Como sempre podedes ver as fotos  e os vídeos da xornada.

O pasado día 8 de marzo recibimos a visita de Gonzalo Moure. Para comezar,   recordamos un correo que Gonzalo enviou ao noso club de lectura cando o inauguramos e limos por primeira vez o seu libro “Palabras de Caramelo”.

Para agradecerlle os momentos tan bos que pasamos lendo os seus libros, e como ademais era o día Internacional da Muller, limos unha reseña dedicada a unha muller moi especial para él, a súa nai.

Para rematar a presentación, cantamos todos xuntos, como homenaxe a ese fermoso proxecto que é “Coñecernos para querernos”, a canción “Mano con mano buscando el Bubisher”.

Despois chegou o turno de Gonzalo, contounos un montón de cousas sobre os seus libros e a súa vida. As súas experiencias no Sahara,  que inspiraron moitas das súas obras, e ese proxecto do Bubisher. Tantas historias interesantes...
Foi moi emocionante, porque Gonzalo sabe transmitir de "corazón a corazón".  
Moitas grazas e ata pronto!!!Coma sempre tedes as fotos na GALERÍA  e os vídeos no seguinte enlace VIDEOS.

Durante estes días estivemos traballando para participar nunha proposta do Concello para os Centros Escolares de Pontedeume:
Cada Centro escollerá unha muller dunha lista de Mulleres que marcaron a historia das mulleres e levará a cabo un traballo que versará sobre os seguintes puntos:

• Trazos máis relevantes da súa vida e as súas accións máis destacadas.
• Breve referencia ao contexto histórico e social no que viviu.
• Aportacións que ralizou na loita pola igualdade.

A mostra con todos os traballos realizados polo alumnado de todos os Centros Escolares do Concello de Pontedeume, permanecerá exposta na Casa da Cultura e despois pasará por cada un dos Centros participantes.
A nosa aportación a este proxecto é un traballo colectivo sobre "Clara Campoamor" no que participamos todas e todos dende E. Infantil ata 6º de Primaria.

Posteriormente o alumnado de sexto baixou a Casa da Cultura, para asistir a inauguración da exposición e posterior conferencia a cargo de Rosana Volio Monge.

Como sempre deixámosvos cunha mostra das forografias do acto. O resto de fotos a tedes na GALERÍA.

Este ano, co motivo da visita ao centro do escritor Gonzalo Moure, iniciamos as Lecturas compartidas de libros do mencionado autor. Nesta ocasión son os nenos maiores os que len os libros para o resto do alumnado.

Na primeira sesión foi o alumnado de quinto os que leron o libro "El mejor amigo del perro".

Na segunda sesión o alumnado de cuarto leu o libro "Nacho chichones".

Deixámosvos un pase de diapositivas da xornada. Podedes encontrar o resto das fotos na GALERÍA e os vídeos no seguinte enlace: VIDEOS.

O pasado xoves 12 de xaneiro, organizado polo equipo de convivenia, tivemos a "I xornada de xogos tradicionais". Nesta ocasión contamos coa colaboración dalgúns pais e nais que ensinaron aos nenos e nenas a xogar a diferentes xogos e deste xeito tentar recuperar aqueles xogos aos que xogábamos cando eramos cativos.

Os xogos elixidos nesta ocasión son os seguintes:

• PRIMARIA: brilé, a corda, a goma, o peón, as chapas, a mariola, as bolas.
• INFANTIL: a corda, as cadeiras, a galiña e os indios.

Grazas a todos por compartir con nos unha xornada tan especial, esperamos contar coa vosa colaboración para a realización das futuras xornadas de xogos tradicionais.

Esperamos as vosas suxerencias.

Deixámosvos cunha presentación de fotos. Coma sempre tedes o resto de fotos na Galería e os vídeos da xornada no seguinte enlace: Vídeos

O xoves 17 de decembro, todo o alumnado de primaria asistimos a unha representación teatral en inglés, a cargo da compañia "Face to face" , que foi contratada conxuntamente polo CEIP Couceiro Freixomil e o noso colexio. O título da obra "Treasure Island".
Foi unha obra moi divertida, fixemos previamente na clase de inglés moitas actividades relacionadas: xogos, cancións, lecturas... A descarga dos materiais cós que traballamos pódese facer neste enlace:
http://www.face2facetheatre.com/node/1258711


Aquí deixamos unha pequena reportaxe: