Sufraxistas é unha película do 2015 dirixida por Sarah Gavron. Ambiéntase a principios do século XX, protagonizada por unha lavandeira que se enrola no movemento sufraxista. Da súa man, asistiremos a algúns dos fitos máis relevantes do sufraxismo, que loitaba por conseguir para as mulleres o dereito de sufraxio.
- Cales son as condicións de traballo que teñen as mulleres na lavandaría? Son distintas ás dos seus compañeiros varóns? Cres que hoxe en día aínda podemos ver situacións similares?
- Por que Maud é repudiada polo seu marido? Que consecuencias ten para ela? Por que cres que o seu marido entrega ao fillo de ambos en adopción?
- Analiza o papel dos homes no filme. Están todos en contra do voto feminino? Analiza as figuras de Lloyd George, Gerald Ellyn e o parlamentario casado con Alice Haughton.
- Que concepto sobre as sufraxistas teñen os homes e mulleres desta época? Atopas algunha similitude coa imaxe que se ten hoxe en día das activistas feministas?
- A película recolle algúns dos episodios máis significativos na loita das sufraxistas durante os anos previos á I Guerra Mundial. Investiga sobre eles:
- A morte en Epston de Emily Davidson.
- A votación no Parlamento de Londres
- O discurso de Emily Pankhurst
- Por que cres que a loita das sufraxistas adquiriu un ton violento ao final do filme? Xustifícase esta violencia de algunha maneira?