Os obradoiros son talleres prácticos que perseguen facer e aprender vivenciando para poder logo levar ideas ás aulas. Teñen prazas limitadas. A reserva farase en Platega entre as persoas que confirmaran a súa asistencia en Fprofe antes do 13 de abril. Por outra banda, só se poderá asistir a un obradoiro ou laboratorio de ideas dos que se ofertan durante toda a xornada. [Acceso á zona de escolla]
Xogo de fuga. A especulación do bitcoin
Impartido por José Carlos Arranz Rosa (@josecarranzr)
Os obxectivos deste obradoiro son os seguintes:
- Introducir conceptos de forma lúdica.
- Desenvolver o traballo en equipo ou cooperativo.
- Desenvolver as competencias dixitais.
- Dar a coñecer os xogos de fuga (escape rooms) e levalos á educación.
Estamos no ano 2018; o Banco Europeo ten as sospeitas de que o crecemento do Bitcoin pode facer tremer o Euro e con iso que caian moitas
empresas.
O creador ou creadores do Bitcoin (porque non se sabe se é unha persoa ou unha empresa) baixo o pseudónimo de Satoshi Nakamoto, está a especular con esta criptomoneda para que no futuro todas as compras se fagan na Rede con diñeiro ficticio. Os Bitcoin son limitados de aí a súa alta demanda e créanse en granxas de bitcoin como unidades de traballo informático gastando grandes cantidades de enerxía. Bitcoin vale o que a xente crea que valla.
Tivemos un chivatazo dun hacker que nos di unha web onde poderiamos controlar o prezo e así manter os mercados tranquilos. Pero non ía ser tan fácil porque o noso chivato é un activista da educación clásica debido a que os seus profesores lle dicían que nunca chegaría a ser nada por non adaptarse ao sistema; así que nos dará as claves da web se logramos resolver uns enigmas e quebracabezas en formato dixital.
O teu obxectivo será entrar na habitación e saír coa claves da web.
Obradoiro con lista de admitidos/as. Aula 14. 12:05 h.
Pensamento visual
Impartido por Clara Cordero Balcázar (@AgoraAbierta)
A través deste obradoiro de pensamento visual eminentemente práctico, poderás
- Coñecer que é o pensamento visual.
- Desbloquear o teu lado creativo para recoñecer o pensamento visual como unha estratexia de pensamento útil na aula, que favorece procesos cognitivos e o desenvolvemento de habilidades comunicativas e críticas.
- Practicar os distintos elementos e formatos visuais dunha maneira lúdica e atractiva.
- Reflexionar sobre o proceso de aprendizaxe en clave visual.
- Coñecer a cultura do pensamento en clave visible.
Obradoiro con lista de admitidos/as. Aula 14. 13:05 h.
Tempo de drons
Impartido por Jorge García Caamaño
Dirixido a profesorado de Secundaria, bacharelato, FP.
O obradoiro constará das seguintes partes:
- 1ª Parte: Presentación, aclaración de conceptos básicos, lexislación e estado actual da teconoloxía.
- 2ª Parte: Características técnicas dos equipos e maniobras aéreas
- 3ª Parte: Iniciación ó manexo de drons a todas as persoas asistentes.
- 4ª Parte: Exercicios trasladables ós sistemas educativos segundo os obxectivos establecidos en cada nivel ou tema (exercicios audivisuais, de precisión, de velocidade, científicos etc)
Obradoiro con lista de admitidos/as. Hall traseiro. 17:10 h.
ESERO: STEM no espazo
Impartido por Domingo Escutia
Principais recursos, materiais e proxectos do proxecto ESERO. O espazo como fio conductor para o desenvolvemento das competencias STEM e o pensamento científico.
Obradoiro con lista de admitidos/as. Aula 25. 12:05 h.