A Consellería de Cultura, Educación e Ordenación Universitaria, no marco do Plan de emprendemento no sistema educativo, convoca o concurso Eduemprende Idea 2015, destinado ao fomento do emprendemento entre o alumnado das ensinanzas de formación profesional, deportivas ou de artes plásticas e deseño de Galicia, sostidas con fondos públicos, que estea matriculado no curso 2014/15. A participación terá que ser nun grupo conformado por un mínimo de dous e un máximo de catro membros.

Establécense dúas modalidades nas que se premiarán os tres mellores proxectos de empresa de cada unha:

• Modalidade A: destinada a ciclos de grao superior.
• Modalidade B: destinada a ciclos de grao medio.

En ambos os dous casos suporá que os tres proxectos premiados por cada modalidade se incorporen a un viveiro de empresas da Consellería de Cultura, Educación e Ordenación Universitaria, reciban asesoramento técnico do IGAPE, así como a correspondente dotación económica.

O prazo de presentación de solicitudes será de 30 días naturais contados a partir do día seguinte ao da publicación da orde no Diario Oficial de Galicia (DOG do 27 de maio de 2015).

Máis información