A asociación “Mejora tu Escuela Pública” (MEP), en colaboración coa Obra Social “la Caixa", convoca a sexta edición deste concurso para premiar as experiencias pedagóxicas dos centros públicos realizadas durante o curso 2014/15, para que se recoñezan, se compartan e difundan. Os traballos deberán ter en conta os seguintes aspectos:

1. Responder a unha necesidade de mellora educativa concreta e animar o traballo en equipo, integrando o talento colectivo para alcanzar esa mellora.

2. Desenvolver o pensamento creativo e autónomo dos alumnos propoñéndolles retos educativos.

3. Estimular o valor pedagóxico do esforzo persoal do alumnado por realizar un traballo ben feito.

Esta convocatoria establece dúas modalidades:

• Modalidade A: dirixida a centros de Educación Infantil, Primaria, Educación Especial e Aulas Específicas de Educación Especial.
• Modalidade B: dirixida a centros de Educación Secundaria, Formación Profesional, Bacharelato, Ensinanzas de Réxime Especial e Centros de Educación de Persoas Adultas

O prazo de inscrición finaliza o 10 de novembro de 2015.

Toda a información na WEB da asociación