A Biblioteca Virtual de la Filología Española (BVFE) é un recurso online de gran utilidade para docentes, discentes, departamentos e institucións relacionadas co estudo e a promoción da historia da lingua e cultura españolas. Trátase dun directorio bibliográfico que reúne, nun único espazo, máis de 8000 rexistros que ata a data só podían acharse dispersos en diferentes repositorios web. A BVFE contén gramáticas, libros de historia da lingua, de ortografía, ortología, prosodia, métrica, diálogos etc., e é un portal que se actualiza con novos rexistros semanalmente. A partir de decembro de 2015 incorpora, ademais, unha sección con biobibliografías. O proxecto está financiado polo Ministerio de Economía e Competitividade, Secretaría de Estado de Investigación, Desenvolvemento e Innovación do Goberno de España.