A Dirección Xeral de Educación, Formación Profesional e Innovación Educativa convoca premios para o desenvolvemento de proxectos de innovación tecnolóxica ou científica e proxectos de innovación didáctica no ámbito da
Formación Profesional en centros públicos dependentes da Consellería de Cultura, Educación e Ordenación Universitaria.

Preténdese potenciar as iniciativas innovadoras, o traballo colaborativo e a transferencia de coñecemento entre centros educativos, empresas e/ou outras entidades, buscando a calidade e a excelencia na Formación Profesional, e o fomento do emprendemento.

Os proxectos adecuaranse a algunha das seguintes modalidades:

• Modalidade A: Innovación tecnolóxica ou científica. Estes proxectos terán como obxectivo a innovación tecnolóxica ou científica, a mellora de procesos de produción e/ou de prestación de servizos, e ademais estes proxectos deberían ter unha incidencia significativa na futura inserción laboral do alumnado e na súa empregabilidade,

• Modalidade B: Didáctica. Inclúe proxectos que teñan como obxectivo a creación de materiais ou recursos didácticos que supoñan un clara innovación nalgunha das familias profesionais. Ademais, ditos materiais deben ser facilmente trasladables a outros centros educativos onde se impartan as ensinanzas para as que foron deseñados.

O prazo de solicitudes remata o día 13 de abril de 2014.

Acceso á Resolución e aos Anexos