O Instituto Nacional de Tecnoloxías Educativas e de Formación do Profesorado (INTEF) convoca novas prazas para a realización de cursos en rede de formación permanente do profesorado. Nesta segunda edición da convocatoria de 2014 ofrécense 5.145 prazas distribuídas en 21 cursos.

Cada curso ten unha ficha descritiva na sede electrónica do Ministerio con información sobre as competencias profesionais docentes desenvolvidas neste, así como sobre o impacto que a aplicación na aula dos resultados da súa aprendizaxe podería ter sobre a adquisición das competencias básicas do alumnado. Os cursos impartiranse integramente en liña no espazo de formación en rede do INTEF.

As persoas que reúnan os requisitos esixidos na convocatoria poden solicitar a súa inscrición mediante unha instancia, accesible por Internet, en sede electrónica. Só se poderá solicitar un curso en cada convocatoria. O prazo de inscrición para esta segunda edición dos cursos é do 8 ao 22 de setembro de 2014. Os cursos desenvolveranse entre o 15 de outubro e o 15 de decembro de 2014.

Acceso á convocatoria no BOE

Máis información