Fomentar a creatividade da mocidade universitaria e desenvolver a súa capacidade de expresión en lingua galega, así como contribuír a descubrir potenciais figuras para a nosa literatura, son os obxectivos que guían á Comisión de Normalización Lingüística da Facultade de Filoloxía da USC para convocar por cuarta vez o Concurso literario Mazarelos.

Aberto á participación de todo o alumnado da USC, para participar deberase presentar unha obra de calquera xénero literario e temática libre, orixinal e escrito en lingua galega.

O prazo de participación rematará o venres 28 de setembro de 2018 ás 14:00 horas.

Máis información