Organizada por IFEMA MADRID, en colaboración con Educación 3.0, SIMO EDUCACIÓN celebrarase do 14 ao 16 de novembro de 2023 no Recinto Ferial baixo o lema “A educación na era da intelixencia artificial: explorando novas fronteiras”.

Este evento enfocarase en catro piares:

- tecnoloxía e innovación para a aula e aprendizaxe, atendendo ao seu valor para a aula e a mellora do rendemento dos estudantes.

- o potencial e peso que van gañando os e-sports no sector educativo como unha ferramenta para motivar os estudantes e mellorar as súas habilidades.

- a saúde mental-educación emocional, como un dos temas cada vez máis relevantes na educación.

- a Formación Profesional Dual, que demostrou ser efectiva na preparación da mocidade para o mundo laboral.

De forma transversal incluirase a intelixencia artificial aplicada, unha tecnoloxía que está a transformar a educación e que permite personalizar a aprendizaxe segundo as necesidades de cada estudante.

SIMO EDUCACION conta co apoio e colaboración do Instituto Nacional de Tecnoloxías Educativas e de Formación do Profesorado, Intef, do Ministerio de Educación e Formación profesional, da Fundación para o Coñecemento Madri+d, e de SekLab.

Máis información