CONVIVES, asociación que traballa a convivencia positiva na escola, organiza en febreiro do 2022 as Xornadas de Convivencia escolar "4x4" nas que se abordarán catro temáticas:

- Coidado e benestar da comunidade educativa
- Ciber-convivencia
- Participación para a convivencia
- Inclusión e equidade

Os obxectivos que se perseguen son os seguintes:

1. Crear un espazo de reflexión compartida pola comunidade educativa sobre a convivencia.
2. Identificar retos na xestión da convivencia escolar e pensar en liñas de acción para os centros educativos.
3. Difundir as boas prácticas e xerar redes de traballo colaborativo sobre convivencia escolar, para a mellora dos contextos de ensino-aprendizaxe.