O Instituto da Muller para a Igualdade de Oportunidades (dependente do Ministerio de Sanidade, Servizos Sociais e Igualdade) ofrece ao profesorado, a través do Programa Relaciona, formación en materia de igualdade enfocada á erradicación dos estereotipos e da violencia de xénero. Estes cursos de formación son de especial interese para o profesorado que participa en accións encamiñadas a afondar no ensino coeducativo, pero están abertos a todo o profesorado interesado.

Este curso 2017/18 ofrécense as seguintes edicións:

• Santiago de Compostela (CAFI): luns 6, 13 e 20 de novembro. Código de referencia en FPROFE: S1702019
• Lugo (CFR): mércores 8, 15 e 22 de novembro. Código de referencia en FPROFE: L1702017
• Ourense (CFR): xoves 9, 16 e 23 de novembro. Código de referencia en FPROFE: O1702026
• Pontevedra (CFR): martes 7, 14 e 21 de novembro. Código de referencia en FPROFE: P1702025

Os cursos, cunha duración de 12 horas, son presenciais e están homologados. O prazo de inscrición está xa aberto.

Máis información