Título: Antroponimizando
Autor: Xulia Marqués Valea
Editorial: Galebook
Ano de edición: 2012
Páxinas: Recurso dixital

Contido:

Antroponimizando é un recurso dixital educativo ideado á par do libro Enredando nos antropónimos dentro dunha iniciativa conxunta e complementaria de creación de materiais didácticos cun fin divulgativo. Trátase dun recurso, que integrando as novas tecnoloxías,  axuda o profesorado a descubrir e/ou a reforzar os coñecementos sobre onomástica persoal galega na aula de primaria e primeiros cursos de secundaria.

Esta proposta inclúe máis de 40 actividades distribuídas en dúas seccións, unha destinada aos nomes de persoa e outra específica para os apelidos (O que dan de si os apelidos).

O repertorio de actividades de aprendizaxe inclúe emparellamentos, sopas de letras, escollas de resposta correcta, preguntas tipo test, de investigación ou V/F, entre outras.

As actividades preséntanse de xeito autónomo, aínda que organizadas secuencialmente, son de doada accesibilidade e levan consigo a posibilidade de avaliación.

Antroponimizando preséntase en formato CD e está  preparado para abrir cos navegadores: chrome, mozilla firefox e internet explorer. Tamén se ofrece en formato scorm para unha posible inclusión nunha plataforma moodle.