Título: Diálogo creativo. Hablar para pensar en el aula

Autor: Robert Fisher

Editorial: Morata

Ano de edición: 2013

Páxinas: 280

Contido:

A educación e a capacidade das nenas e dos nenos de establecer relacións cos outros apóianse no diálogo. A través deste, as persoas desenvolven a consciencia, aprenden a controlar os seus procesos mentais internos e constrúen as ferramentas conceptuais para pensar. Constitúe o fundamento do desenvolvemento da intelixencia social, así como do éxito nas aprendizaxes e na vida.

Diálogo creativo é unha guía esencial para a aprendizaxe dialóxica, en que se expoñen os seus principios así como as razóns polas que as rapazas e os rapaces necesitan dialogar, os distintos tipos de diálogo e as características especiais do diálogo creativo. O autor presenta procedementos moi prácticos para aprenderlle ao alumnado a ser máis reflexivo e creativo, para aprender de maneira máis eficaz falando e escoitando, tanto nas institucións escolares como no fogar.

Nesta obra atopará:

• Técnicas para desenvolver a aprendizaxe dialóxica nas aulas
• Unha guía para provocar debates estimulantes para pensar a través do currículo
• Máis de 100 actividades para xerar discusións e diálogos estimulantes con nenos de todas as idades e capacidades
• Consellos sobre o uso do diálogo creativo para favorecer a avaliación continua das aprendizaxes
• Ideas para desenvolver as destrezas de escoita e a concentración