O ministro de Educación, Cultura e Deporte, José Ignacio Wert, presentoulle esta mañá ao Consello de Ministros un primeiro informe sobre o anteproxecto e Lei orgánica para a mellora da calidade educativa, que modificará a Lei orgánica de educación de 2006.

 

A educación é o motor que promove a competitividade da economía e o nivel de prosperidade dun país. O seu nivel educativo determina a capacidade de competir con éxito no eido internacional e de afrontar os desafíos que se formulen no futuro. 

 

Mellorar o nivel educativo da cidadanía supón abrirlle as portas a postos de traballo de alta cualificación, o que representa unha aposta polo crecemento económico e pola competitividade no mercado global.

 

No ámbito individual, o nivel educativo determina as metas e expectativas da traxectoria vital, tanto profesional coma persoal. O conxunto de coñecementos, recursos e ferramentas de aprendizaxe capacitan a unha persoa para cumprir con éxito os obxetcivos formulados.

Polo tanto, a educación é un ben público de vital importancia e unha fonte de vantaxes materiais e simbólicas para os individuos. Vantaxes maiores canto máis avance cada un nese proceso e mellores resultados obteña neste.

 

Desde a transición á democracia, España conseguiu unhas taxas de escolarización desde os 3 anos practicamente do 100%. Desenvolveu, á parte, os instrumentos necesarios para asegurar uns niveis mínimos de educación, cubrindo as necesidades básicas dos estudantes para garantir a súa asistencia á clase (infraestrutura dos colexios, libros de texto, transporte e comedor escolar) e asegurando que o conxunto dos colexios atinxe uns niveis mínimos de calidade mediante o establecemento de criterios de uniformidade. Debemos, logo, considerar como un logro das últimas décadas a universalización da educación. 

 

Non obstante, o sistema actual non permite progresar cara a unha mellora dos resultados. Amósano as pobres cualificacións obtidas polo alumnado español nas probas de avaliación internacionais como PISA, as elevadas taxas de fracaso escolar e de abandono escolar temperán e o reducido número de estudantes que logra a excelencia. A obxectividade dos estudos comparativos internacionais, que reflicten como mínimo o estancamento do sistema, levan á conclusión de que é necesaria unha reforma do sistema educativo que fuxa dos debates ideolóxicos que empeceron o avance nos últimos anos. Cómpre unha reforma práctica, que permita desenvolver ao máximo o potencial de cada alumno.

 

O principal obxectivo desta reforma é mellorar a calidade educativa partindo da premisa de que esta debe medirse en función do "output" (resultados dos estudantes) e non do "input" (niveis de investimernto, número de profesores, número de colexios etc.). Para isto, todos e cada un dos alumnos serán obxecto de atención nunha busca de desenvolvemento do talento, que convirta a educación no principal instrumento de mobilidade social, axudando a superar barreiras económicas e sociais e xerando aspiracións e ambicións realizables para todos.

 

Os principios en que se basea esta reforma son dous:

 

O recoñecemeento da diversidade entre alumnos nas súas habilidades e expectativas é o  primeiro paso de cara ao desenvolvemento dunha estrutura educativa que estableza diferentes traxectorias. A lóxica da reforma fundaméntase na evolución cara a un sistema capaz de canalizar os estudantes cara ás traxectorias máis adecuadas ás súas fortalezas, de xeito que poidan facer realidade as súas aspiracións, e se convertan en rutas que faciliten a empregabilidade. Os estudantes con problemas de rendemento contarán con programas específicos de apoio que melloren as súas posibilidades de continuar no sistema. 

 

A reforma que se formula pretende ser gradualista, prudente e baseada no sentido común. A súa posta en marcha require de diálogo para conseguir que, coas achegas de todos, sexamos capaces de lograr un acordo que consiga e compromiso de alumnos, familias e profesores. É fundamental que a reforma educativa sexa sostible no tempo, pois o seu éxito medirase en función da mellora obxectiva dos resultados dos alumnos. Isto permitirá que a educación deixe de percibirse como un campo de batalla político e se converta nun obxectivo común. 

 

Os estudos internacionais revelan que os países que melloraron de forma relativamente rápida a calidade dos seus sistemas educativos implantaron, basicamente, as seguintes medidas: 

 

 

Baseándose nos resultados destas experiencias internacionais e unha vez analizado o sistema educativo do noso  país, o primeiro informe presentado ao Consello de Ministros inclúe as seguintes liñas de traballo:

 

Polo que respecta aos centros docentes, o informe inclúe medidas tendentes a:

 

 

Fonte: MEC