Taboleiro, Delegados/as

Correlingua é unha proposta de carácter lúdico-educativo que pretende convidar a mocidade e a infancia e os centros de ensino a participar nun acto público de reivindicación do dereito a medrar en galego e tamén a exercer de maneira efectiva como galegos e galegas a través do uso do noso idioma, única forma de garantir o seu futuro. O alumnado do IES Val do Asma participará na carreira en prol do idioma que se celebrará en Monforte de Lemos.

Dirixido a: Alumnado de 1º e 2º ESO.
Lugar: Monforte de Lemos.
Organiza: Departamento de Galego.

As probas de acceso aos ciclos de grao medio terán lugar o día 23 de maio de 2024 no horario que se indica deseguido:
– Ás 9.00 horas: presentación.
– Das 9.30 ás 13.00 horas: parte matemática e parte sociolingüística.
– Das 16.00 ás 18.00 horas: parte científico-técnica.

Participación no programa Que non te líen, ti elixes, iniciativa conxunta das consellerías de Cultura, Educación, FP e Universidades e de Promoción do Emprego e Igualdade a través da cal se busca fomentar, desde as aulas, unha orientación profesional libre de estereotipos de xénero así como a igualdade de oportunidades entre homes e mulleres e o fomento da coeducación. Para saber máis preme aquí.

Dirixido a: Alumnado de 4º ESO.
Lugar: Aula de referencia.
Organiza: Departamento de Orientación.

O 17 de maio non haberá clase por ser festivo na Comunidade Autónoma de Galicia. Preme aquí para saber máis de Luisa Villalta, escritora homenaxeada no 2024.

Visita do escritor Francisco Castro. É escritor de máis de 20 obras literarias, traducidas a diversas linguas e merecentes de distintos premios e distincións. Entre outros é autor de Chamádeme Simbad, Iridium e O corazón da Branca de Neve.

Dirixido a: Alumnado 3º ESO, 3º PDC e 1º BAC.
Lugar: Salón de actos do IES.
Organiza: Departamento de Lingua Galega.