Orientación

O pasado 30 de maio o alumnado de 3º e 4º de ESO asistiu a unha actividade na que estudantes de cursos anteriores do IES de Teis, contaron en primeira persoa o que decidiron estudar unha vez acadado o título de ESO ou de BAC.

Expuxeron que estudos estaban a facer e en que consistirá o traballo que van desenvolver cando rematen.

Interviñeron : Ana Portas Vasco, Nadia Márquez Iglesias, Pedro de Paz Landín, Smerlyn Soribel Tejada Aracena, Uxía García Pérez e Veruska Valentina Subero Núñez .

Como colofón de tan interesante actividade, contamos coa intervención do Xefe do Departamento de Matemáticas, David Rodríguez Vicente, que dun xeito entretido e motivador animou ao alumnado a mellorar aquelas actitudes que conducen a un bo desenvolvemento educativo e profesional.

Moitísimas grazas a todas/os as/os participantes.

Aqui tedes algunhas fotos da actividade.

LEMBRANZAS DESTE ANO…

O pasado 30 de outubro, O Departamento de Orientación e o Grupo de Igualdade e Diversidade do IES de Teis, levaron a todo o alumnado de 3º ESO a ABANCA Teatro Afundación a ver a obra de teatro: Golfa.

O Departamento de Orientación do IES de Teis organizou unha formación sobre a técnica dos 'Seis sombreiros para pensar'. Impartiuna Iria Costas e consistiu no coñecemento desta técnica para canalizar o pensamento e na súa aplicación práctica.

O profesorado probou el mesmo a sensación de abordar os problemas desde unha perspectiva distinta á que de entrada escolleriamos nun debate.