Biblioteca

O venres 14 de xuño tivo lugar na biblioteca a entrega de medallas e premios para os merecidos gañadores e gañadoras da liga de xadrez. Os nosos parabéns a estes mozos e mozas e a Gabriel Sánchez Crespo, do equipo Plambe e profe de Historia, que os guiou neste mundo de tácticas e estratexias. Agardamos vervos o curso que vén. E grazas a Bernardo, do equipo Plambe e profe de Tecnoloxía, que fixo as medallas, e a Natalia e a Saray, voluntarias de 1.° da ESO, que decoraron os agasallos.

O curso vai rematando e con el imos poñendo punto e final ás diferentes actividades, como o Club de lectura, que tivo a súa última reunión este luns.

Tocou ler La sonrisa perdida de Paolo Malatesta, de Ana Alcolea, e con el falamos das rúas de Zúrich, das súas montañas, das glicinias ou dos mirtilos. E tocou despedirse tamén, pero a medias, Camila, porque como falamos, seguirá habendo un oco para ti.

Deica o vindeiro curso!

Por segundo curso consecutivo, elaboramos no Espazo Maker da biblio as bandas de graduación que está a lucir o alumnado nos seus actos de graduación. Entre o alumnado, colaboraron Natalia e a Rubén, voluntaria e voluntario da biblio, as alumnas Lourdes, de Informática, e Bahara, de 1.º da ESO, e entre o profesorado, Natalia Vérez, Mercedes Pose e Marta Rey. Grazas a tod@s!

O alumnado de 1.° da ESO co seu profe de Plástica Joan deseñou e elaborou rótulos para a biblio. Os que están pendurados nos andeis son de Antonella. Nas primeiras semanas do vindeiro curso iremos colocando o resto. Grazas, moz@s e bo traballo!

Aquí deixamos as fotos do fermoso apadriñamento lector entros e grupos de 1.º da ESO do IES de Teis e o CEIP San Salvador,organizado polas profesoras Lidia Soutiño e Lorena Carrasco, que se converteu nunha mañá de reencontros, lembranzas, emocións e, por suposto, lecturas.

Os nosos agradecementos a Ángeles e tamén ao resto de profes por acollernos tan agarimosamente.