Blogues

23 DE ABRIL, DÍA DO LIBRO

Para conmemorar esta data, aquí van algunhas reflexións sobre a lectura:

"Un libro debe ser o facho que rompa o mar xeado que hai dentro de nós". Franz Kafka.

"Un lector vive mil vidas antes de morrer. O que nunca le só vive unha". George R.R. Martin.

"Lemos para saber que no estamos sós". William Nicholson.

“Le e conducirás, non leas e serás conducido". Santa Teresa de Xesús.

“Os libros son as abellas que levan o pole dunha intelixencia a outra". James Russell Lowell.

“A literatura é a forma máis agradable de ignorar a vida”. Fernando Pessoa.

Ademais, o EDLG e a Biblioteca organizaron, os días 24 e 25 de abril, un obradoiro de marcapáxinas nos recreos.

O primeiro día fixemos marcapáxinas de esquina:

E o segundo, empregamos flores e follas secas para facer uns marcapáxinas rectangulares plastificados:

Se queres imprimir as "plantillas" que empregamos, fai click no título deste artigo e descarga o documento adxunto que aparece ao final.

blogue de
213 lecturas
1 adxunto

O día 23 de abril é o Día Mundial do Libro; por iso, o EDLG e a Biblioteca convocan un concurso de fotografía no que poderedes amosar onde ledes e como o facedes: paseando por un campeiro, tomando o sol na praia, descansando no Corpiño, navegando pola ría, sachando nunha leira...

BASES

Os alumnos participantes deberán aparecer nunha fotografía co libro que prefiran (sería perfecto que se vise o título) e despois engadir sobre ela unha frase propia ou allea en galego que estea relacionada cos libros e/ou coa lectura ou que simplemente lles resulte inspiradora. No caso de empregar as palabras doutra persoa, deberá citarse o seu nome.

A fotografía co texto engadido deberán enviarse por e-mail á seguinte dirección: ies.ramon.caamano@edu.xunta.es (AVISO: No caso dos alumnos menores de 14 anos, serán os pais ou titores legais os que envíen o e-mail).

No asunto do correo deberá figurar a referencia “Concurso Fotografía Día do Libro” e no corpo, os datos do concursante (nome, apelidos e grupo).

PRAZO DE PRESENTACIÓN

Ata o xoves 25 de abril de 2019.

PREMIOS

Un xurado formado por profesores e alumnos seleccionará as tres imaxes gañadoras. Valoraranse a creatividade e o sentido artístico. Os autores das mesmas recibirán como agasallo un libro cada un.

blogue de
217 lecturas

21 DE MARZO, DÍA MUNDIAL DA POESÍA

Desde o IES Ramón Caamaño celebramos o Día Mundial da Poesía cunha mostra de caligramas e poemas ilustrados realizados polos alumnos de 1º ESO A. Son todas composicións de autores destacados das nosas letras como Rosalía de Castro, Manuel Curros Enríquez, Ramón Cabanillas, Manuel María, Uxío Novoneyra, Helena Villar, Antonio Noriega Varela ou Luis Amado Carballo.

ACHEGÁDEVOS A LELOS!!!

blogue de
313 lecturas

Celebrando o Día Internacional da Muller na Biblioteca

Para celebrar o 8 de marzo, a Biblioteca ten novos libros sobre mulleres ou escritos por mulleres, que se unen aos que chegaron o ano pasado. Podedes velos todos na mesa expositora.

Trátase de:

Las chicas van donde quieren. 25 aventureras que cambiaron el mundo, de Irene Civico y Carlos Parra.

Mujeres poderosas que te inspiran para plantarle cara a la vida, de Marga Durá

E o Departamento de Ciencias Sociais adquiriu para a Biblioteca dous cómics moi interesantes, de tema científico:

Marie Curie, de Alice Milani. Unha biografía sobre a primeira muller que conseguiu o premio Nobel.

Microalgas. El mundo oculto, de Xulia Pisón. Unha divertida visión sobre as algas, en forma de aventuras.

A mesma autora dedicou ao noso Instituto o exemplar que temos na Biblioteca!

blogue de
149 lecturas

8 DE MARZO, DÍA INTERNACIONAL DA MULLER

Para conmemorar este día, fixemos na entrada do centro unha EXPOSICIÓN SOBRE MULLERES de diferentes nacionalidades que tiveron ou teñen hoxe en día un papel relevante en ámbitos como o da ciencia, o activismo político e social ou a arte. Isto foi posible grazas aos carteis que os alumnos de 1º de ESO fixeron na materia de Investigación e Tratamento da Información.

blogue de
185 lecturas

GAÑADORAS DO CONCURSO GASTRONÓMICO DE ENTROIDO 2019

Neste concurso, organizado polo EDLG, o Departamento de Lingua Galega e a Biblioteca, participaron cinco alumnos que presentaron estas apetitosas sobremesas:

As receitas gañadoras foron:

1º PREMIO: BISCOITO DE LARANXA E IOGUR

SOFÍA V. (2º ESO A)

2º PREMIO: BICA

ROSALÍA V. (1º ESO A)

3º PREMIO: ROSCAS

MICHAELA C. (2º ESO B)

Ao final deste artigo incluímos as receitas en formato pdf, por se che interesa descargalas.

blogue de
160 lecturas
3 adxuntos

Entroido literario

Algúns dos traxes que vimos no festival do venres pasado estaban inspirados nunha gran obra literaria: Alicia no país das marabillas.

Boa idea, Román e Mely!

blogue de
189 lecturas

DÍA DE ROSALÍA

Este 24 de febreiro, Día de Rosalía de Castro, conmemoramos o 182 aniversario do nacemento da escritora recordando os versos que lle adicou á Nosa Señora da Barca.

blogue de
338 lecturas

24 de febreiro, Día de Rosalía

Airiños, airiños aires,
airiños da miña terra;
airiños, airiños aires,
airiños, levaime a ela.

Sin ela vivir non podo,
non podo vivir contenta,
que adonde queira que vaia,
cróbeme unha sombra espesa.
Cróbeme unha espesa nube,
tal preñada de tormentas,
tal de soidás preñada,
que a miña vida envenena.
Levaime, levaime, airiños,
como unha folliña seca,
que seca tamén me puxo
a callentura que queima.
¡Ai!, si non me levás pronto,
airiños da miña terra;
si non me levás, airiños,
quisais xa non me conesan,
que a frebe que de min come,
vaime consumindo lenta,
e no meu corazonciño
tamén traidora se ceiba.

Hoxe é o Día de Rosalía!

Para que todos poidamos disfrutar das súas obras, a Biblioteca, coa colaboración de Dinamización Lingüística, sacou algunhas delas á entrada do Instituto.

blogue de
119 lecturas

Gañadores do concurso "Cartas de amor"

Parabéns a Laura, Nerea, Yago e Xiana, gañadores do concurso organizado pola Biblioteca, Dinamización Lingüística e o departamento de Lingua Galega con motivo de San Valentín.

blogue de
126 lecturas